هرات ده کرونا ویروسی ایلک واقعه سی رویخط ده الینگنی بیلن، بو دهشتلی کسل لیک نی یوقتیریش  دن قورقیش اولکه نینگ کتته قسمی نی تشویش گه سالدی. اهالی دن بیر قنچه سی بو کسل لیک دن شونچه لیک قورقگن لرکه کرونا ویروسی نی یوقتیریش دن آلدین روحی خسته لیک گه مبتلا بولیش لری ممکن. بو قورقیش سبب، اهالی ساغلیک نی سخلش توصیه لرینی جدی رعایه ایتیب و اوی لرنی تیزتیز ضدعفونی قیله یاتکان عیال وایرکک لرکونده لیک ایش لریده یقال کوریش ممکن.

 بوندن اوتر، کرونا ویروسی نی یوقتیریش دن قورقو، معمولی یوتل یا شماللگن کیشی لرگه نسبتا اهالی مناسبت لرینی هم اوزگرتیرگن.هرچند افغانستان عامه ساغلیک وزیرلیگی کرونا ویروسی نی یوقتیرگن ۱۲ کیشی  قیته ساغلگنی نی اعلان ایتکن اما مردم نینگ بو کسل لیک دن قورقوی کمی مگن. بوویروس آلدینی آلیش اوچون مخصوص واکسن بولمگنی سبب اگر بیران شخص بیر یغین ده توستدن یوتلسه یغین ده‌گی شخص لر اوندن فاصله آلیب قاچه دیلر.

 کرونا ویروسی نی یوقتیرگنلر تجربه سی کورستگن که بیرشخص دن آلینگن نمونه نتیجه سی مثبی بولسه بوشخص ایککی دغدغه گه دچار بوله دی؛اول اوزی نینگ تقدیری دن خواتیر و ایککنچی سی ایسه ویروس نی یوقتیرگندن سونگ مردم نینگ حساسیت و اوندن قاچیش لری.

  هراتلیک خبرنگار الیاس موسوی ایران نینگ مشهد شهریگه کون کیچیرماقده. او تازه لیک ده کرونا ویروسی نی مغلوب قیلگن. موسوی جنابلری نیچه وقت آلدین بو ویروس نی یوقتیرگندی. اما حاضربیرمعین قرنطینه دوره نی اوتکزیب، ساغلیکی نی حاصل قیلگن. اوفیسبوک صحیفه سیده بیرویدیو نشر ایتیب « کرونا دن قورقیش بو ویروس دن کوره اولیملی دیر» دیب ایتکن.

  کرونا گه قرشی قیینت کورش دن سونگ قیته ساغلیکی نی حاصل قیلگن موسوی جنابلری دیدی بو ویروس نی یوقتیرگنی دن آگاه بولگندن سونگ  قورقیش دن اوزیم نی بوتکل بای بیردیم اما آسته سکین و عایله ام حمایتی بیلن قول دن بیرگن روحیه ام نی قیته حاصل قیلدیم دیدی.

هلی هم آز آز یوتلیب و تنفس سیستمی ده آزگینه معماگه یوزمه یوزبولگن موسوی جنابلری دیدی بو کسل لیک گه قرشی کورش نینگ یگانه یولی ساغلیک نی سخلش ارگان لر بیلن همکارلیک و اوی ده قرنطینه ده کون کیچیریش دیر.الیاس موسوی یوتل ، ایستمه و قتیغ جان آغریق علامه سی بیلن داکترگه مراجعه قیلدیم و نهایت ده شفاکارلرنی آلگن نمونه سی مثبت جواب بیردی دیب ایتی. اونگه کوره بو ویروس هیچ قندای علامه سی بولمگن کیشی لردن اونگه انتقال تاپگن.

 کرونا ویروسی نی یوقتیرگن بو شخص حاضر بوتکل ساغلیکی نی حاصل قیلگن و مردم نینگ دهشتلی قره ش لریدن خسته مین دیدی.او:« کرونا کسل لیگی نی مغلوب قیلگن کیشی لرنی دهشت لی وحقارتلی قره ش لرینگیز بیلن اولکه دن اوزاق لشتیرمنگلر» دیب توصیه قیله دی.

 الیاس موسوی نی ایتشیچه مردم نینگ فکرده گی روحی باسیم لرنی یخشی لیک گه انگلیدی و کرونا ویروسی نی مغلوب قلیش اونچه قیینت ایمس دیدی. موسوی جنابلری ساغلان آدم لر، ساغلیک نی سخلش شخصی توصیه لرنی رعایه ایتکن تقدیرده بو یوقمه کسل لیک دن امان قالیشلری ممکن دیدی.

 الیاس موسوی گه کوره ساغلیک نی سخلش بویچه شفاکارلرتوصیه لرینی عملی لشتیریش و هرقندای یغین لرگه قتنشیش دن واز کیچیش بو ویروس دن امان گه قالیش نی یگانه یولی دیر.

بونگه علاوه طب مختصص لری هم بوندای بیر احوال ده قرنطینه و اویده قالیش نی توصیه قیگنلر.

کرونا ویروسی بوندن قریب بیش یا آلتی آی آلدین چین نینگ « ووهان» شهریده تاپیلدی و اوندن سونگ دنیا باشقه مملکت لریگه ییرلدی. حاضرچه افغانستان اهالی سیدن ۳۳۷ کیشی بو ویروس نی یوقتیرگن. هرچند حاضرگه قدر بو کسل لیک سبب ۷ کیشی اوز جانی نی قولدن بیرگن اما ۱۲ نفرهم قیته اوزساغلیک لرنی حاصل قیلگن لر.