ساغلیقنی سهقلش وزیرلیگی، جهان بانکینی آکسیجن ایشلبچیقاروچی جنراتورلرنی ساتیب آلیشده همکارلیک قیلیشگه چقیردی
ساغلیقنی سهقلش وزیرلیگی رسميلری جهان بانکینی مملکتده آکسیجن ایشلبچیقاروچی جنراتورلرینی ساتیب آلیشده همکارلیک قیلیشگه چقیردی.
ساغلیقنی سهقلش وزیرلیگی خبرنامهسیگه کوره اشبو وزیرلیک سرپرستی مجروحجنابلری کېچه ( چهارشنبه ۲۶ جوزا) توشدن سۉنگ جهان بانکی نینگ یوقاری لوازملی ملازملری بیلن آنلاین اوچرهشووده اوشبو مسألهنی کۉترگنینی یازگن.
ساغلیقنی سهقلش وزیرلیگی نینگ خبر بېریشیچه، جناب مجروح اوچرهشووده آکسیجن ایشلبچیقاروچی جنراتورلری مرکز و ولایتلر نینگ بیر قطار کرونا کسلخانهلریده اۉرنهتیلگن و فعاللشتیریلگن بۉلسه هم، افغانستان اوچون کروناویروسی اوچینچی تولقینیده اېتیشمسلیگی حلی هم جدّي معما بۉلیب قالماقده، دېب توشونتیردی. .
جناب مجروح نینگ سۉزلریگه کۉره، کروناویروسینی یوقتیرگن کسللر اکثریتی کسلخانهلرده آکسیجن اېتیشمسلیگیدن اذیت چېکماقده. اونگه کۉره، جهان بانکی اوشبو شفاخانهلر اوچون ینگی آکسیجن جنراتورلرینی ساتیب آلیشنی مالیهلشتیریشگه یاردم بېریشی کېرهک.
بیراق، مملکتده کروناویروس نینگ اوچینچی تۉلقینی نینگ ترقهلیشی دوریده آکسیجن اېتیشماوچیلیگی جدّي معماگه ایلندی. بعضی مشهور منبعلر نینگ تأکیدلشیچه، اوچینچی تۉلقین پیدا بۉلیشیدن آلدین بیر بالون آکسیجن نرخی فقط ۳۰۰ افغانی ایدی اما حاضرده ۲۰-۲۵ مینگ افغانیگه کۉتریلگن.
اکسیجن تنقیصلیگی معماسی تاباره کوچهییب بارهیاتگن بیر پیتده خلقارا عفو تشکیلاتی افغانستان حکومتینی اوشبو معمانی زودلیک بیلن حل قیلیشگه چقیردی.