سرپل ولایتیدهگی بیرینچی شاه یولده ماین ییرلشتیریلگن؛ اهالی آذوق-طعام نرخلری نینگ کۉتاریلگنیدن خواطرده
اوچ هفتهدن بېری سرپل-جوزجان شاه یولی نینگ مهم قسملری طالبان جنگچیلری نظارتی آستیده دیر. طالبان جنگچیلری خوفسیزلیک کوچلری نینگ حربي عملیاتلری آلدینی آلیش اوچون شاه یولده ماینلر جایلشتیرگن. اوشبو شاهیول ترانسپورت واسطهلری و یولوچیلر یوزیده یاپیق دیر. سرپل-جوزجان شاهیولی – بو ولایتنی جوزجان و بلخ ولایتلری بیلن باغلهیدیگن یگانه یۉل دیر.
اوشبو شاهیولده ماین جایلشتیریلگنی و یول تۉسیب قۉییش اوشبو یۉنهلیشدهگی یوک موترلری نینگ توختب قالیشیگه سبب بۉلگن.
سرپل ولایتی اهالیسی سرپل ولایتی مرکزیده آذوقآذوق-اوقات نرخلری نینگ کۉتاریلیشیدن خواطرده دیر. بوندن آلدین یوک موترلری جوزجاندن سرپل ولایتیگه ۳۰-۴۰ دقیقهده اېتیب کېلگن بۉلسه، اېندی یوک موترلری بو یۉنهلیشنی اوچ-تۉرت ساعت ایچیده باسیب اۉتیشهدی. یوک تاشوچی نقلیه واسطه لر یولی اوزاق بولگنی سبب سرپل ولایتیده آذوق-اوقات نرخلری کۉتاریلگن.
سرپل ولایت کېنگاشی رهبری محمد نور رحمانی نینگ نشانه خبرآژانسیگه ایتیشیچه، شاهیول نینگ یاپیلیشی سببلی آذوق- اوقات و یاقیلغی مادهلر نرخلری نینگ کۉتریلیشی سرپل ولایت کېنگاشی اعضالری و اهالینی تشویشگه سالگن. جناب رحمانی نینگ قۉشیمچه قیلیشیچه، بوندهی اوروش حالتیده، شاهیول نینگ یاپیلیشی، قورغاقچیلیک هم سرپل اهالیسی اوچون کتته معما حسابلنهدی.
سرپل ولایت کېنگاشی رییسی نینگ ایتیشیچه، اولر شاهیولني آچیش اوچون بیر قنچه قوم باشلیغ و آقسقاللرینی طالبان نزدیگه یوبارگن، اما حاضرچه مذاکرهلر ایجابي نتیجه بېرمهگن. جناب رحمانی، اگر سرپل-جوزجان شاهیولی نقلیه واسطهلر اوچون آچیلمسه، ولایتده آذوقآذوق-اوقات تنقیصلیگی فلاکتی یوز بېرهدی. جناب رحمانی سرپل ولایت کېنگاشی رئیسی صفتیده ولایت اهالی سي معما و قیینتچیلیگیني مرکزی و محلي حکومت بیلن شریک قیلگنی ني تاکیدلشدی.
عینِ پیتده سرپل ولایت حاکمی عبدالحق شفق عامهوي اخبارات واسطهلری بیلن صحبتیده سرپل-جوزجان شاه یۉلینی قَیته آچیش، حکومت اوچون اوستوار وظیفه اېکنلیگینی ایتدی. جناب شفق اهالینینگ معمالرینی تن آلیش بیلن بیرگه خوفسیزلیک کوچلری اوشبو معمالرنی حل قیلیش اوچون زودلیک بیلن چارهلر کۉریشینی تأکیدلهماقده.
سرپل ولایت حاکمی شاهیولنی تۉسیب قۉییش معماسی فقط سرپل ولایتی بیلن چېکلنگن دېب حسابلهمهیدی. اونینگ سۉزلریگه کۉره، بو معما افغانستان نینگ همه جایلریده موجود. جناب شفق نینگ سۉزلریگه کۉره، محلي حکومت شاهیۉلینی قَیته آچیش اوچون محلي و منطقوي امکانیتلردن فایدهلنهدی.
مملکت شِمالیدهگی سرپل، استعمالچی ولایتی صفتیده تنیلگن. حاضرگی وقتده آذوقآذوق-اوقات محصولاتلری سنچارک تومنی و بلخ ولایتیدن سرپل شهری مرکزیگچه بۉلگن قیین یۉللر آرقهلی تشیلماقده. اوزاق و قیین یۉللر ولایتده آذوق-طعام و یاقیلغی مادهلر نرخینی آشیرگن.