سمنگانده طالبان موقعلریگه اوردو نینگ هوا هجومی؛ طالبان تمانیدن تومنی حاکمی تعینلنگن و گروه نینگ ایککی کتته قوماندانی اۉلدیریلدی
مملکت شِمالیدهگی ۲۰۹- شاهین قلاردوسی سمنگان ولایتی نینگ حضرت سلطان تومنیده طالبان موقعلریگه هوا هجومی اویوشتیریلگنلیگی حقیده خبر بېرهدی. هوا هجوملری نتیجهسیده طالبان نینگ حضرتی سلطان تومنی اوچون تعینلنگن تومن حاکمی، بیر حربي قوماندان و طالبان گروهینینگ حربي کمیسیونسی نینگ رهبری، باشقه ۱۲ جنگچی بیلن بیرگه اۉلدیریلگن.
بلخدهگی ۲۰۹- شاهین قلاردو بازهسی نشرایتکن خبرنامهسیده یازیشیچه، هوا هجومی کېچه ( دوشنبه ۱۴ سرطان) کېچقرون طالبان موقعلریگه قرشی قیلینگن. خبرنامهگه کۉره، تومندهگی هوا هجوملریده تۉرت ترانسپورت واسطهسی و طالبلر نینگ بیر مقدار قورال یراقلری نابود قیلینگن.
بو هواهجومی حضرتسلطان تومنیدنمه اوندای بیرحالده یولگه قویلدی که طالبان جنگچیلری سمنگان ولایتی مرکزی، ایبک شهریگه یقین لشکن. بیراق، مملکت شِمالیدهگی اردو رسميلری طالبان جنگچیلری نینگ هجوملرینی قَیترگنلیکلرینی اَیتماقدهلر.