سمنگان ده طالبلر تمانیدن تعینلنگن ولایت‌حاکمی اۉرین‌باسری و بیرپاکستانلیک جنگچی اۉلدیریلگن
neshananews
15 July 2021مملکت شِمالیده‌گی ۲۰۹ شاهین قول‌اردوسی، سمنگان نینگ فیروزنخچیر تومنیده‌گی طالبان موقع‌لریگه اویشتیریلگن هوا هجومی نتیجه‌سیده طالبلر نینگ تۉرت نفر جنگچیسی، جمله‌دن، سمنگان ولایتی اوچون تعینلنگن حاکم اۉرین‌باسری مولوی منصور و بیرپاکستانلیک جنگچی هلاک بۉلگنلیگینی ایتدی.
۲۰۹-شاهین قول‌اردوسی بوگون (پنجشنبه ۲۴ سرطان) اۉز حبرنامه‌سیده طالبلر نینگ ینه تۉرت نفر جنگچیسی هوا هجوملریده یاره‌لنگنینی یازگن.
۲۰۹- شاهین قول‌اردوسی نینگ خبرنامسیگه‌کۉره، هوا هجوملری نتیجه‌سیده فیروزنخچیر تومنیده طالبان قرارگاهی و جنگچیلر نینگ بعضی قورال-یراق و حربی جهازلری یۉق قیلینگن. اردو جوبزجان و بلخ ولایتلریده طالبان موقع‌لریگه هوا هجوملری کۉپه‌یگنی حقیده خبر بېردی.
سمنگان ولایتی‌ده طالبان حاکمی اۉرین‌باسری بیلن بیرگه پاکستان طالبان اعضاسی اوندای بیرحالده اۉلدیریلدی‌که بو گروه وکیللری اېسه چېت اېلّیک جنگچیلر بیلن علاقه‌لرنی اوزیشگه وعده بېریشدی. طالبان رهبریتی اۉز جنگچیلرینی چېت اېل کوچلرینی اۉز صفلریگه قۉشمه‌سلیک حقیده آگاهلنتیریشده دوام اېتماقده.
