سمنگان “قاره قۉزیقارین” کسللیگینینگ بیرینچی مثبت واقعه بېلگیلری کوزهتیلدی
سمنگان ساغلیقنی سهقلش مسوولری نینگ ایتیشیچه، ولایت مرکزی ایبک کرونا کسلخانهده “قاره قۉزیقارین” کسللیگی نینگ شبههلی علامتلری کوزهتیلگن. ساغلیقنی سهقلش مسووللری نینگ سۉزلریگه کۉره، قاره قۉزیقارین کسللیگی علامتلری بۉلگن ۷۰ یاشلی اېرکک اوشبو طبي مرکزگه مراجعت قیلگن. بو کېکسه آدم سمنگان ولایتی مرکزی ایبک شهریده استقامت قیلهدی.
سمنگان ولایتی نینگ ساغلیقنی سهقلش ادارهسی رییسی دکتور خلیل مصدق بو واقعه بوگون ( شنبه ۱۲ سرطان) کوزتیلگنی ني تصدیقلب نشانه خبرآژانسی بیلن صحبت ده مراجعه قیلگن شخصده” قاره قۉزیقارین” کسللیگی نینگ برچه علامتلری بارلیگینی ایتدی. جناب مصدق نینگ سۉزلریگه کۉره، بو کیکسه شخص شکر یا دیابت کسللیگی گه هم دچار دیر.
سمنگان ولایتی ساغلیقنی سهقلش ادارهسی باشلیغی اوشبو کېکسه شخص دن کیرکلی تېستلر اۉتکزیلهیاتگنینی تأکیدلهماقده. او قاره قۉزیقارین کسللیگی نینگ برچه بېلگیلرینی بو کېکسه آدمده کۉریش ممکنلیگینی تصدیقلهیدی.
سمنگان ساغلیقنی سهقلش متصدیلری، اما بېمارده قاره قۉزیقارین کسللیگی بار-یۉقلیگینی انیقلش اوچون کۉپراق وقت سیناودن اۉتکزیلیشی کېرهکلیگینی قۉشیمچه قیلماقده.
ساغلیقنی سهقلش حساباتلریگه کۉره، قاره قۉزیقارین کسللیگی دنیاده،کروناویروسی اوچینچی تۉلقینی ترقهلگندن سونگ ترقلیب بارهدیگن اۉلیملیک و خوفلی کسللیکدیر. بو کسللیک توپراق آرقهلی نفس یۉللریگه یوقهدی. بورون و کۉز نینگ شیشیشی و کۉریش قابلیبینی یۉقاتیش اوشبو کسللیک نینگ اېنگ مهم بېلگیلریدیر.
ساغلیقنی سهقلش وزیرلیگی کېچه (جمعه ۱۱ سرطان) قاره قۉزیقارین کسللیگ نینگ بیرینچی مثبت واقعهسیکابولده رویخطده آلینگنی نی اعلان قیلدی. اوشبو واقعه کابل غربیده کروناویروسینی دوالنیشی ده اجرتیلگن افغان-جاپان کسلخانهسیده رویخطده الینگن. بوندن آلدین قاره قۉزیقارین کسللیگی واقعهلری هندوستانده کوزهتیلگندی.