سمنگان نینگ دره صۉف بالاتومنی طالباندن تازه‌لندی
neshananews
19 July 2021مملکت شِمالیده‌گی ۲۰۹ شاهین قول‌اردوسی، قۉشمه حربي اۉپراسیون نتیجه‌سیده سمنگان ولایتی درهصوفبالا تومنی طالبان جنگریلریدن تازه‌لنگنینی اعلان ایتکن.
۲۰۹ شاهین قول‌اردوسی نشرایتکن خبرنامه سیده درهصوفبالا تومنی مرکزی حکومت کوچلری تامانیدن بوگون اېرته‌لب (دوشنبه ۲۸سرطان) تازه‌لنگنی حقیده خبر بېرگن.
خبرنامه‌ده ایتیلیشیچه، درهصوفبالا تومنی حاکملیک بناسی حاضرده حکومت کوچلری تصرفیده. ۲۰۹ شاهین قول‌اردوسی خبرنامه‌سیده، منطقه ده حربي عملیات دوام اېتماقده دیب ایتکن.
شونینگدېک، خبرنامه‌ده طالبان جنگریلریگه حربي عملیات ده تلفات یتکزیلگنی تاکیدلنگن. اوشبو قربانلر تفصیلاتلری، اما حلی اعلان قیلینمه‌گن.
طالبلر حلی گه‌چه هېچ قنده‌ی ایضاح بېرمه‌گن.
درهصوفبالا تومنی سمنگان ولایتی نینگ کۉمیر ذخیره‌لریگه اېگه بۉلگن اېنگ چېکّه تومنلریدن بیریدیر. تومن تخمیناً بیر آی آلدین طالبان جنگچیلریگه جنگسیز تاپشیریلگن اېدی.
