سۉنگگی ۷ کون ایچیده ۱۱۷۷ طالبان جنگری اولدیریلگن
neshananews
11 July 2021خوفسیزلیک قوتلر نینگ قۉشمه سوزچیسی اجمل عمر شینواری نینگ ایتیشیچه، سۉنگگی بیر هفته ایچیده ۲۵ ولایتده اردو و طالبان اۉرته‌سیده یوزبیرگن قوراللی تۉقنه‌شوولرده طالبان جنگچیلریدن ۱۲۰۰ گه یقین کیشی اۉلدیریلگن.
جناب شینواری بوگون ( یکشنبه ۲۰ سرطان) کابل‌ده اۉتکزیلگن مطبوعات انجمنیده مملکت خوفسیزلیک و مدافعه کوچلری سۉنگگی بیر هفته ایچیده ۲۵ ولایتده طالبانگه قرشی ۱۲۴ حربي عملیات اۉتکزگنینی ایتکن.
جناب شینواری نینگ قۉشیمچه قیلیشیچه، عملیاتلر جریانیده کمیده ۱۱۷۷ طالبان جنگری اۉلدیریلگن و ۶۵۱ کیشی یاره‌لنگن.
خوفسیزلیک قوتلر نینگ قۉشمه سوزچیسی اوشبو دورده خوفسیزلیک کوچلری بېش تومن‌نی طالبلردن آزاد قیلگنینی تأکیدله‌دی. اونگه کۉره، کندزده‌گی علی‌آباد تومنی، بدخشان نینگ یفتل، هراتده‌گی ادرسکن اۉتگن هفته طالباندن آزاد قیلینگن تومنلر جمله‌سیدن بولگن.
سۉنگگی بیر هفته ایچیده طالبان هجوملریگه توخته‌لیب جناب شینواری بوگروه جنگچیلری هرات، تخار، بلخ، پکتیا، ، غزنی، بادغیس، لغمان و قندهار ولایتلریده ملي اردو قوتلری‌نینگ هجومی‌دن مغلوب بۉلگنینی قۉشیمچه قیلدی.
خوفسیزلیک قوتلری نینگ قۉشمه سوزچیسی، شونینگدېک، سۉنگگی بیر هفته ایچیده طالبان تۉرت تینچ اهالینی اۉلدیریب و آلتی کیشینی یاره‌لنتیرگن ديدي.
