سینتکام: آمریکایی قوتلردن ۲۵ فایزی افغانستان ني ترک ایتکن
آمریکا قوشمه ایالتلری مرکزی قوماندان ليگي( سینتکام) آمریکانی افعانستان ده خدمت قیلهیاتکان حربی لریدن ۲۵ فایزی بو مملکت ني ترک ایتکنی ني تاکیدلشکن.
بو قوماندانلیک اوتکن کیچه ( سهشنبه ۴ جوزا) نشر ایتکن خبرنامه ده آمریکایی قوتلرنی افعانستان دن چیقیشی باشلنگن دن حاضرگه قدر ۱۶ حربی جهازلر محموله سي افعانستان دن تشقریده انتقال بیریلگنی دن خبربیرگن.
خبرنامه گه کوره عینی دمده اون مینگ دن کوپراق حربی ملازمه و جهازلر نابود قیلنگن. هرچند بو اداره افعانستان ني ترک ایتکن حربی قوتلر سانی ني انیق اعلان ایتمگن اما موجود راپورت راپورلرگه کوره حاضر چه قریب آلتی مینگ آمریکایی قوت افعانستان ده خذمت قیلماقده.
آمریکایی حربیلرنی افعانستان دن چیقیش دستوری جوبایدن حکومتی قراریگه اساسن جاري شمسی ییل ثور آیی ده باشلنیب کیله سي تورت آی گه قدر یکون تاپهدي.
افعانستان ولسی جرگه ایریم منبع لرینی معلوم قیلیشیچه آمریکا اورته آسیا ده خصوصن اوزبیکستان و ترکمنستان جمهوريت لرینی آمریکا حربیلریگه قرارگاه بیریش ده ترغیب ايتماقده. عینی حالده طالبان گروهی آمریکایی حربی لر افعانستان قوشنی مملکتلریگه قرارگاه قوریش موضوع سیگه مناسبت کورستکن.