شاهين قول اردو سي : طالبان نينگ ١٢٥ جنگچي سي تينچليك آقيمي گه قوشيلدي
neshananews
06 October 2020افغانستان شماليده ملي اردو مسووللريگه كوره طالبان گروهي نينگ چاركنت تومنيده ١٢٥ جنگچي سي تبنچليك پروسيگه قوشيلگني دن خبر بيرگن.
شاهين قول اردو بير خبرنامه نشر ايتيب يازگن طالبان نينگ بو جنگچيلري اوتكن كوني ( دوشنبه ١٥ ميزان) قوراللري بيلن بو آقيم گه قوشيلگن.
خبرنامه ده تاكيدلنيشيچه چهاركنت تومن حاكمي سليمه مزاري سعي و حركت قوم باشليغ لري همكارليگي و ملي اردو قوتلري اوپراتيفي ايشلري سبب طالبان گروهي بو جنگچي لري اوروش دن قول تارتيب و صاح پروسه سيگه قوشيلگن.
چهاركنت تومني تورت ييل دن بيري بير عيال تمانيدن اداره بوله دي. چهاركنت تومن حاكمي سليمه مزاري ديدي بو جنگچي لرني تينچليك پروسه سيگه قوشيليشي اوچون نيجه آي سعي و حركت قيلگني دن سوز يورتكن.
خبرنامه گه كوره دولت، صلح پروسه سيگه قوشيلگن دولت قوراللي مخالف لريني جزا دن معاف ايتيلگني و اولرگه ايش زمينه سي مساعد ايتيليشي تاكيدلنگن. حاضرگه قدر مينگ لب كيشي صلح پروسيگه قوشيلگن. افغانستان جمهور ريسي محمد اشرف غني، ارگ گه يتيب كيلگن معلومات گه كوره طالبان جنگچي لري اوروش دن خسته بولگن اما بو جنگچي لرني صلح پروسيگه قوشيليشي اوچون كوپگينه توسيق لر موجود دير.
