شبرغان شهریدهگی جنگ؛ طالبان نینگ ۱۰ جنگچیسی و خلق مقومت قوماندانی اۉلدیریلدی
جوزجان امنیتی مسووللری نینگ ایتیشیچه، طالبلرنی ولایت مرکزی شبرغان گه قیلگن هجومنی قَیتریلگن. ایکّی تامان ارا تۉقنهشوویده ۱۰ طالبان جنگچیسی و خلق مقاومت قوتلری قوماندانی اۉلدیریلگن.
جوزجان پولیس باشلیغی خواجه غلام جِیلاني ابوبکر اخبارات واسطهلربیلن صحبتده، طالبلر کېچه تونده شبرغان شهرینی اېگهللب آلیش اوچون هجوم اویوشتیرگن. جناب ابوبکر نینگ قۉشیمچه قیلیشیچه، طالبان جنگچیلری هم بیر لحظهگه شبرغان مرکزیگه باستریب کیرگن اما خوفسیزلیک کوچلری و خلق کورهشچیلری مقاومتی دوچ کېلگن.
جوزجان پولیس باشلیغی ني ایتیشیچه، تۉقنهشووده طالبان نینگ اۉن جنگچیسی اۉلدیریلگن. اونگه کۉره، خلق مقاومت قوماندانی هم بو توقنشو ده اوز جانی قولدن بیرگن.
بیراق، جَنوب -شرقدهگی قیشلاقلر، جملهدن، صوفي قلعه و خاتون قلعه حدویدلری طالبلردن تازهلنگن. اوچ کون آلدین طالبلر صوفی قلعه و خاتون قلعه قیشلاقلرینی اېگهللب آلگن. بو قیشلاقلر شبرغان شهری اطرافیده جایلشگن.
طالبان حلی همان بو حقده ایضاح بېرمهگن.
حاضرگی وقتده جنگ نینگ آلدینگی چیزیغی شبرغان شهری بیرینچی ناحیهسی و شهرنینگ اطرافیدهگی قیشلاقلرگه اېتیب کېلگن. بو جنگده خلق مقاومت کوچلری هم خوفسیزلیک کوچلری بیلن بیرگه لیکده کورهشیب کیلماقده.