شبرغان شهری نینگ بعضی قِسمی طالبلر قۉلیگه اۉتدی
neshananews
07 August 2021جوزجان ولایتی محلي منبعلرگه کۉره، شبرغان شهری نینگ کتّه قِسمی، جمله‌دن قماقخانه و جوزجان ولایت حاکملیگی طالبلر قۉلیگه اۉتگن.
اسمینی آشکار قیلیشنی ایسته‌مه‌گن منبعلر نینگ نشانه‌خبرآژانسی‌گه ایتیشیچه، بوگون اېرته‌لب ( شنبه ۱۶ اسد) شبرغان شهریده خوفسیزلیک کوچلری، مارشال دۉستم بیلن تیگیشلی حربیلر و طالبان اۉرته‌سیده کوچلی تۉقنه‌شوولرگه گواهی بۉلگن.
منبعلر نینگ قۉشیمچه قیلیشیچه، بو تۉقنه‌شوولر نتیجه‌سیده شبرغان شهری نینگ کتّه قِسمی، جمله‌دن، قماقخانه و ولایت حاکملیگی طالبلر تامانیدن قۉلگه آلینگن و حکومت قۉشینلری شبرغان شهری چېتیده‌گی یتیم‌تاق منطقه‌سیگه چېکینیشگن.
بو منبعلر، جوزجان ولایتی هواقونالغی حکومت کوچلری نظارتیده سه‌قلنگنیگه اشاره قیلگن.
شبرغان شهریده توقنشوو نینگ اوج آلیشی سبب شهر اهالیسینی مزارشریف شهریگه آواره بولیشی گه مجبور قیلگن.
ولایت اهالیسی نینگ ایتیشیچه، شبرغان-مزارشریف شاه یۉلیده آدملر نینگ حددن تشقری کۉپلیگی ایکّی ولایت اۉرته‌سیده‌گی سفر کرایه نرخی نینگ کېسکین آشیشیگه آلیب کېلگن.
جمهورریس سابق اورین باسری مارشال عبدالرشید دۉستم سۉنگگی کونلرده مملکتگه قَیتدی و طالبان هجوملرینی جلولش اوچون جمهوررییس بیلن اوچره‌شگندن سۉنگ جوزجانگه باریشی کوتیلماقده.
