شمالده کروناویروسی اوچینچی تولقینی؛ بلخ قرنطینه بولهدي
مملکت شمالیشمالیدهگي ساعلیکنيسقلش مسووللری بلخ،فاریاب، سرپل و جوزجان ولایتلریده کروناویروسی اوچینچی تولقینی ییرلیب باریشدن خبر بیرگن. اوتکن ایککی هفته جریانیده کروناویروسینی یوقتیرگن واقعهلر رویخط ده آلینگنی بو ولایتلر ساغلیک سقلش ارگانلر مسووللرینی خواتیریگه سبب بولگن.
بلخ ولایت حاکمی و فاریاب ولایت حاکمی اجتماعی معاونی بو ایککی ولایتده کروناویروسی ییرلیشی آلدینی آليش اوچون یغین اوتکزگنلریدن خبر بیریلگن.
بلخ ولایت حاکمی محمدفرهاد عظیمی، بوولایتده حماملر، سوحوضلری و باشقه بیرقطار گوجوم محللر یاپیلیشی دن خبربیرگن. عظیمی جنابلری بوندن سونگ بلخ ولایتی ده جمعه نمازی و فاتحهخوانلیک مراسملر ساغلیکنی سقلش چاره تدبیرلری رعایه ایتیلیشی بیلن اوتکزیلدی دیب ایتکن.
بلخ ولایت حاکمی ني تاکیدلشیشیچه مزارشريف شهریده اهالی آرهسیده اجتماعی مسافه رعایه ایتلیشی ضرور بولگني ني هم اورغولشکن.
بلخ ولایتی ساغلیک سقلش مسووللری تمانیدن نشر بولگن رقملرگه کوره اوتکن ۲۴ ساعت مدتیده بو ولایت ده کروناویروسینی ۸۸ مثبی واقعه سي رویخط ده آلینگن. بلخ ولایتی عامه ساغلیک ادارهسي تیزیاردم بولیمی مسوولی داکترامینالله شیرپور اهالی عامه ساغلیک وزیرلیگی توصیهلرینی نظرده توتیشلری لازم بولگنی ني تاکیدلشکن.
عینی دمده جوزجان ولایتی ” کووید۱۹” بولیمی مسوولی داکتر خالصقادری نشانه خبرآژانسی بیلن صحبت ده کروناویروسینی یوقتیریش رقمی بو ولایتده بیرینچی و ایککینچی تولقینی دن کوره اوته کوپدیر دیب ایتکن. قادری جنابلری جاري وضعیت دن تشویش اظهار ایتیب اوتکن ۲۴ ساعت ده جوزجان ده کروناویروسینی ۳۰ مثبی واقعه سي رویخط ده آلینگنی دن خبر بیرگن.
باشقه تماندن اوتکن تورت آی جریانیده جوزجان ولایتی ده کروناویروسی رقمی صفر بولگندی. جوزجان ده کروناویروسینی یوقتیرگن بیمارلرنی قبول قیلیش اوچون ۸۰ یاتاقگه یتکن. قادری جنابلریگه کوره ۳۰ یاتاق شبرغان شهریده و هرتومن نینگ ساغلیک ني سقلش مرکزلریده بیش یاتاق هم کروناویروسینی یوقتیرگنلر گه اجرتیلگن. اونگه کوره حاضرچه بیمارلرگه ضرورت بولگن آکسیجن ییترلی درجه ده موجود دیر.
داکترخالص قادری جوزجان ولایتی کووید۱۹ شفاخانهسي حاضرگه قدر هیچقندای کمچیلیک و معمالربیلن یوزمه یوز بولمگن. جوزجان ولایتی ساغلیک ني سقلش مسووللری بو ولایت ده قرنطینه اجرا ایتیلیشی بویچه نظرلرینی محلی رسمیلری بیلن اورتاقلشکن.جوزجان یشوچیلری اما حاضرگه قدر ساغلیک ني سقلش توصیهلري مدني یغینلر، تویلر و باشقه اجتماعی برنامهلرده نظرده آلمی اشتراک ایتماقدهلر. جوزجان رسمیلریگه کوره کروناویروسی نمونهلرینی اهالی دن آلیش اوچون سیار گروهلر بو ولایت تومنلریگه جونتیلگن.
عینی حالده فاریاب ولایتی عامه ساغلیک اداره سي مسووللریدن بیری داکترهمایونآهی نشانه خبرآژانسی بیلن صحبت ده ديدي بو ولایتده هم کروناویروسینی مثبت واقعهلری سانی اوتکن ایککی هفته گه قرگنده کوپیگن. آهی جنابلری اما بو ویروسینی یوقتیرگن بیمارلر وضعيتي تشویشلنرلی ایمس ديدي، چونکه اونگه کوره بیرینچی تولقینیده اکثر اهالی بو ویروسینی یوقتیریب بدنلری معافیتی اونگه نسبتن کوتاریلگن. اوني معلوم قیلیشیچه اوتکن ایککی هفته جریانیده کروناویروسینی یوقتیرگن ۲۳ مثبت واقعه بو ولایت ده رویخط آلینگن.
باشقه تماندن میمنه شهریده کروناویروسینی یوقتیرگن بیمارلر اوچون ایگرمه یاتاق نظرده آلینگن و ۱۰۰ یاتاقلی بیرمخصوص کسلخانه هم بو توغریده آچیلیش عرفهسیده دیر. آهی جنابلری بو ولایتنینگ ۱۴ تومنیده جمعیت سانی و ضرورت لرگه ماس کیرکلی امکانیت لر موجود دیر. آهی جنابلری بو ولایتنینگ ساغلیک ني سقلش ارگانلر مسووللری کروناویروسی ییرلگن تقدیرده، موجود تشویشلرینی محلی رسمیلربیلن اورتاقلشتیریلگن میز دیب ایتدی.
عینی دمده سرپل ولایتی عامهساغلیک ادارهسي رییسی داکتر نوراحمد اسحاقزی هم اوتکن ایککی هفته جریانیده کروناویروسینی یوقتیرگن بیمارلر سانی کوپیگنی دن خبربیرگن. او جاري هفته هرکونی یوز شبههلي نمونه ني تیکشیریلگنی دن خبربیرگن. بوندن ایککی هفته آلدین گه چه کروناویروسی رقمی بو ولایت ده صفر ایدی. اطحاقزی جنابلری کروناویروسینی یوقتیرگن اکثر اهالی ساغلیک ني سقلش مرکزلرده مراجعه ایتمیدیلر ديدي.سرپل عامه ساغلیک ادارهسي رییسی حاضرگی تشویشلر توغریسیده ولایت حاکملیگی گه مکتوب جونتکنیني تاکیدلشدی.
سرپل ولایتی ساغلیک ني سقلش مسووللری محلی حکومت رسمیلری دن شهر و تومنلرنزنگ عامه جایلریده ضرور بولمگن یغینلر آلدی آلینیشی ني طلب ایتکنلر.
حاضرچه سرپل ولایتی مرکزی کسلخانه سیده کروناویروسینی یوقتیرگن اون جدي بیمار دوالنماقده. سرپل مرکزی کسلخانه سي و اوچ تومنیده ۴۵ یاتاق کرونا بیمارلریگه اجرتیلگن.
مملکت شمالیدهگي ساغلیک ني سقلش ارگانلر مسووللری کروناویروسی اوچینچی تولقینی بلخ، فاریاب، سرپل و جوزجان ولایتلریده ییرلیشی خطری دن اوندای بیرحالده تشویش اظهار ایتکنلرکه عامه ساغلیک وزیرلیگی رویخطیگه کوره اوتکن ۲۴ ساعتده مملکت ده بزرمینگ و ۵۶۶ مثبت واقعه کیریتیلگن. کروناویروسینی اوچینچی تولقینی باشلنگنی دن سونگ مملکت نینگ ۱۶ ولایتیده عالی اوقویورتلر، مکتبلر و تعلیمی مرکزلر فعالیتی تعطیل بولگن.