شهرزاد اکبر پاکستان ایلچیسی بیلن صحبتده: آتش کیسیم برقرار ایتیلیشی اوچون تینچلیک سعی و حرکت لر شدت آلسین
neshananews
31 May 2021افعانستان انسان حقلری مستقل کمیسیونی رییسی شهرزاد اکبر پاکستان ني کابل‌ده‌گي ایلچیسی منصور‌احمدخان بیلن اوچرشوده افعانستان ده دایمی تینچلیک تامین لنیشی اوچون تینچلیک گه عاید سعی و حرکتلر شدت آلیشی ني تاکیدلشکن.
خانم اکبر تویتر صحیفه سیده، بو اوچرشو بوکون توشدن آلدین ( دوشنبه ۱۰جوزا ) پاکستان ایلچیلیگی ده بولیب اوتکنی ني یازگن.
خانم اکبر بو اوچرشوده صلح اوچون سعي و حرکتلر شدت آلیشی و افعانستان دولتی و طالبان گروهی ارا امضالنیشی کوتیله‌یاتکان کیلیشو ده انسان حقلری قدریتلری سقلنیشی حقده صحبت بولگنی دن خبربیرگن.
خانم اکبر بو ملاقات ده مملکت ده دایمی آتش کیسیم تامین‌لنیشی، اوروش‌ني یکونلنتیریش و عادی اهالی تلفاتی‌ني آلدینی آليش مقصدیده صلح سعی و حرکتلری شدت تاپیشی ني تاکیدلشکنی ني قید ایتکن. او، انسان حقلری و وطنداشلیک قدریتلرني کیلیشونامه ده کیریتیلیشی افعانستان ده دایمی تینچلیک‌ني کفالت قیلیب و ایککی تمان اوز ارا مذاكره‌لریده بو مهم موضوع‌لرگه جدي اعتبار قرتیشلری لازم دير دیب یازگن.
افعانستان دولتی نینگ مذاكره قیلوچی هیاتی اعضالری ایرته دوحه گه سفر قیلیب و تینچلیک مذاكره‌لر ینگی باسقیچی ني باشله‌ماقچی.
