افعانستان ‌باش محکمه‌سي ني اعلان‌قیلیشیچه شهرسازلیک و اراضی وزیرلیگی سابق اورین‌باسری خاطره‌سادات بو‌وزیرلیک ‌ني بیش ملازمی‌بیلن اختلاص و حجت‌لرني قلابکارلیک‌قیلیش جرمی‌بیلن قماقه حکم قیلینگن.
باش محکمه بوکون ( یکشنبه ۹ جوزا) نشر‌ ایتکن خبرنامه‌سیده، خانم سادات اختلاص، اداری حجت وسندلرنی قلابکارلیک قیلگنی جرمی بیلن تورت ییل و سکیز‌آی قماق‌گه و شونینگ‌دیک ۶ میلیون و ۲۰۰ مینگ افعانی جریمه تولش‌گه جزالنتیریلگنی دن‌خبربیرگن.
باش‌محکمه خبرنامه‌سیده بو وزیرلیک‌ني مالی و حسابدارلیک متخصصی محمدناصر، مالی اداره خادمی ذبیح‌الله، عادی بودجه و مالی آمریت باشلیغی فخرالدین، کنترول بولیمی اعضاسی حفیط‌الله و کنترول عمومی مدیریتی باشلیغی عظیم‌الدین هم حجت‌لرنی قلابکارلیک و اختلاص قیلگنی جرمی‌بیلن تورت ییل و سکیز آی دن بیر ییل و ایککی آی قماقه محکوم بولگنلر.
افعانستان باش‌محکمه‌سي خبرنامه‌سیگه کوره شهرسازلیک وزیرلیگی بو مقام و ملازملری کتته‌مبلغ‌لر حواله‌لرینی جعل‌قیلیب اختلاص قیلگن‌لیکلری قید ایتیلگن.
بوندن‌آلدین هم حکومت‌نینگ بیرقطار عالی‌ و اورته رتبه‌لي مقام و خادملری اختلاص و سواستفاده جرمی بیلن قماقه جزالنتیریلگندیلر، اما دولتی اداره‌لرده مالی و اداری فساد هلی هم دوام ایتماقده.