شینواری: سۉنگگی هفتهلرده ۲۴ تومن طالبان نظارتیدن آزاد قیلیندی
مملکت خوفسیزلیک قوتلری نینگ قۉشمه سوزچیسی اجمل عمر شینواری نینگ ایتیشیچه، سۉنگگی هفتهلرده ۲۴ تومن طالبان جنگریلریدن آزاد قیلینگن.
جناب شینواری بوگون ( یکشنبه ۲۷سرطان) کابلده اۉتکزیلگن مطبوعات انجمنیده مملکت خوفسیزلیک و مدافعه کوچلری مدافعه حالتدن واز کېچیب، هجوم اصولنی اختیارقیلگن. اونینگ قۉشیمچه قیلیشیچه، امنیتیکوچلر تومنلرنی قَیتریب آلماقده و سۉنگگی هفتهلرده ۲۴ تومن طالباندن آزاد قیلینگن. بو امنیتی ملازم ، اما بو تومنلر طالباندن قنچه وقت مدتیده آزاد قیلینگنلیگینی انیق ایتمهگن.
جناب شینواری، شونینگدېک، خوفسیزلیک و مدافعه کوچلری نینگ تورلی ولایتلردهگی تۉرت کونلیک عملیاتلریگه توختهلیب، ۲۴۴ حربي عملیاتده کمیده ۹۶۷ طالب جنگچیلری اۉلدیریلگنی و قریب ۶۰۰ جنگچیسی جراحت آلگنینی ایتدی.
خوفسیزلیک خدمتلری نینگ قۉشمه سوزچیسی قربان هییتی پیتیده خوفسیزلیک کوچلری شَی حالتگه کېلیشینی و طالبان نینگ هر قندهی هجومیگه جواب بېریشینی تأکیدلهدی.
اجملعمرشینواری، افغانستان نینگ اسلامآباددهگی اېلچیسی نجیبالله علیخیل نینگ قیزی، سلسلهعلیخیلنینگ اوعیرلنیشی موضوع سي بویچه، بو پاکستان پولیسسی نینگ کوچسیزلیگینی کۉرسهتیب تورگن دیدی. او اسلامآباددن بو ت غریده جوابگرایکنی ني طلب ایادی.
افغانستان نینگ اسلامآباددهگی اېلچیسی نینگ قیزی سلسلهعلیخیل جمعه کونی پاکستان نینگ اسلامآباد شهریده اوییگه قَیتهیاتگنده اۉغیرلنیب و قییناققه سالینگن. علیخیل خانم اۉغیرلب کېتووچیلر نینگ قۉلیدن آزاد قیلینگنیدن بیر کون اۉتیب، پاکستان باش وزیری عمران خان ایچکی ایشلر وزیرلیگیگه جنایتچیلرنی انیقلش و حبسگه آلیش اوچون ۴۸ ساعت مدت بېردی. پاکستان ایچکی ایشلر وزیرلیگی حاضرچه بو بارهده معلومات بېرمهگن.