شینواری: سۉنگگی ېتتی کون ایچیده طالبان نینگ ۲۳۶۷ جنگچلری نابود قیلیندی
مملکت خوفسیزلیک خدمتلری نینگ قۉشمه سوزچیسی اجمل عمر شینواری سۉنگگی بیر هفته ایچیده مملکتده ۲۳۶۷ طالبان جنگچیلری نابود قیلینگنلیگینی ایتکن.
جناب شینواری بوگون ( چهارشنبه ۱۶ سرطان) کابلده اۉتکزیلگن مطبوعات انجمنیده مملکت نینگ خوفسیزلیک و مدافعه کوچلری تامانیدن ېتی ولایتده اۉتکزیلگن ۲۷۸ عملیات ده طالبان بو جنگریلری یۉق قیلینگنینی ایتدی. او اوشبو ولایتلر نینگ نامینی ایتمهیدی.
خوفسیزلیک خدمتلری نینگ قۉشمه سوزچیسی عملیات دوامیده ۱۴۰۰ دن آرتیق طالبلر یارهلنگنینی قۉشیمچه قیلدی. اونگه کۉره، اولر آرهسیده طالبان نینگ ۲۸ مهم اعضاسی بار.
او طالبلر نینگ تینچ اهالیگه قرشی هجوملریگه اشاره قیلیب، بو گروه سۉنگگی بیر هفته ایچیده مملکتده بېش خودکشلیک هجومی، ۷۰ پاورتلش و ۲۴ ته قوراللی سوءِقصد اویوشتیرگنینی ایتدی. اونگه کۉره، طالبان هجوملریده ۴۳ تینچ اهالی هلاک بۉلگن و ۱۷۰ کیشی یارهلنگن.
خوفسیزلیک کوچلری سوزچیسی طالبانگه قرشی عامهوي سفربرلیکلرگه توختهلر اېکن، اۉتگن هفته بوگروهگه قرشی یوزلب اهالی پکتيا، نورستان، غۉر، لوگر، هرات، بغلان، سمنگان، ننگرهار، کاپیسا، قندهار و زابل ولایتلریده سفربر قیلینگنلیگینی قۉشیمچه قیلدی. .
طالبانگه قرشی عامهوي سفربرلیک طالبلر سۉنگگی پیتلرده هجوملرینی کوچهیتیریب، چېکّه حدودلر نینگ اَیریم تومنلرینی اۉز نظارتی آستیگه آلگن پیتگه تۉغری کېلهدی.