جمهورریس سوزچیسی صدیق صدیقی، افغانستان حکومتی صلح پروسه سیده سوزایرکین لیگی و رسانه لردن قوت و امکانیتی باریچه مدافعه ایتیشی نی تاکیدلشکن.

جمهورریس سوزچی سی بوکون ( یکشنبه ۲۹ سرطان ) توییترصحیفه سیده یازگن؛ افغانستان حکومتی، جمهوریت تیزیمی نینگ اساسی اصلی بولگن سوزایرکین لیگی و رسانه لرفعالیتی دن بارامکانیتی و قوتی دن فایده لنیب مدافعه ایته دی.

صدیقی جنابلرینی تاکیدلشیشیچه افغانستان حکومتی نینگ سیاستی صلح پروسه سیده « اصولی سیاست » دیر. اونگه کوره بو اصول چوکاتی نی سوزایرکین لیگی تشکیل بیره دی.

ارگ سوزچی سی تاکیدلشدی: « طالبان بو حقیقت نی انگلش لری لازم و بوندن باشقه یول لری هم یوق.» افغانستان دولتی و طالبان گروهی ارا مذاکره لر باشلنیشی یقین لشیشی بیلن، مملکت ده اخبارات واسطه لر و رسانه لردن حمایه ایتوچی ارگان لر سوزایرکین لیگی گه نسبتا سونگی وقت لرده کوپیگن باسیم لردن تشویش بیلدیرگنلر.

شو سبب دن جمهورریس لیک سرای توغریدن توغری مذاکره لرجریانیده سوزایرکین لیگی دن توله حمایت ایتیش دن سوز بیرماقده.

هرچند حاضرگه قدر بو مذاکره لر باشلنیش تاریخی معلوم ایمس اما ایککی تمان ارا محبوس لرالمشتیریلیشی یکون لنیشی بیلن ایککی تمان ارا صلح مذاکره لری باشلنیشی کوتیلماقده.