مخروبه-سینمای-پارک-880x550

صنعت افغانی جمهوریت ده

neshananews

14 November 2020

یازوچی : ابومسلم خراسانی

صنعت مدنیت نینگ تمل تاشی و پایدیواری سنله دی. جسارت بیلن ادعا قیله آله میزکه انسانلر جماعه سی مدنیتی نینگ مرکز و اساسی، صنعت و صنعتگرلر ایشی محصولی شکیللنتیره دی. شو سبب دن آلمانیالیک دانشمند کارل مارکس گه قرشی که اقتصادنی انسانلرجماعه سی نینگ تمل تاشی بیلردی، ایتالیالیک ینگی مارکسیست امتونیوگرامشی مدنیت نی هر بیر جماعه نینگ تمل تاشی و پایدیواری بیله دی. گراکشی جنابلری نظریدن، هربیر اولکه نینگ تمل تاشی اقتصاد ایمس بلکه « مدنیت » دیر و شو مدنیت اوزگریش و ترقیات گه زمینه یرته آله دی.

عینی حالده، هنر یا صنعت بیرمدنی عامل اوله راق هر بیر اوزگریش ده اساسی رول اوینه اله دی. هنر یا صنعت رولی مدنیت، انسان حیاتی، سیاست، اقتصاد و جماعه ترقیاتی ده انکار قیلیب بولمس دیر. بو کون لر جهان مملکت لری صنعت وهنردن تعلیم و اورگنیش و مدنیت پرورلیک مهم جریانی اوله راق فایده لنه دیلر. باشقه تماندن هنرنی اقتصاد ترقیاتی گه هم اساسی رولی و تاثیری بار. حاضرچه لیک سینما صنعتی جهان بویجه تجارت دن سونگ ایککینچی پول منبع سی دیر و شو صنعت و هنرنی اقتصادگه اوتکزه یاتکان تاثیر و رولی نی یقال نشانه سی دیر.

اما افغانستان ده هنر نینگ تقدیری پریشان و دایم قیغولی ایکن. بو یورت تاریخی ده دایم هنرگه قرشی سیاست قدرت اوستیگه ایگه و هنر اوروش، زوروانلیک و اوزباشیمچه لیک لر توپراغیده آستیده کومیلگن و نفرت گه محکوم ایکن. باشقه تماندن هنر بیر قطر انسان لر نظریدن اوته سطحی و یمان عامل اوله راق تعریف لنگن، یعنی هنر و صنعت انسان لرنی گناه و بخت سیزلیک تمان آلیب باره یاتکان عنصر اوله راق تانیشتیریلگن.

نیچه نی تعبیری چه، آچیق ، سوالگر و تنقیدلی هنر، جماعه نی سعادت، آسایشته لیک و مدنیت تمان آلیب باره دی. افغانستان نینگ حاضرگی دولتی جمهوریت دن مدافعه ایتیش تاشی نی کوکرکه اوره دی و برچه ساحه لرده اوزنی جمهوریت حمایه چی سی بیله دی، اما اصلن هنر و صنعت و صنعتچی گه بها و اهمیت بیرمگن. شو جمهوریت یتگیده صنعت و صنعچی دایم کمبغل و غربت ده یشب کیلگن.

افغانستان خبر و مدنیت وزیرلیگی، صنعتچی لر و مدنی فعاللر قرشی لیگی گه قره می پارک سینماسی نی اویلشی دولت نینگ هنر وصنعت گه قرشی ایکنی نی یقال نشانه سی دیر.

افغانستان نینگ یخشی و یمان کونلرینی اتاقلی صنعتچی سی فرهاد دریانی مکتوبی، افغان فیلم ریسی صحرا کریمی نی کوزیاشلریو بو تاریخی و مدنی بنا اویلشی گه قرشی چیققن مینگلب افغان وطنداشلری مخالفت لریگه اعتناسیزلیکبیرتماندن مملکت سیاستچی لرینی هنر و هنرمند گه نسبتا مهرسیزلیک لریدن درک بیرسه باشقه تماندن « افغانی جمهوریت » ده استبداد و حاکمیت طلب لیک دن درک بیره دی یعنی بو مملکت ده هیچ بیر صنعت و صنعتچی نی اهمیتی یوق. صنعت شونینگ دیک باشقه ایدیولوژیک حکومت لر دوریده هم کمبغل و غریب ایدی ، افغانی جمهوریت ده کون اوتیشی بیلن وضعیت یمان لشیب بارماقده. دیمک افغانستان ده هر قندای حکومت یوزگه کیلسه، اونی اصلی ماهیتی مدنیت گه ضد و تعصب و اوزباشیمچه لیک بیلن یولداش بوله دی. دیمک افغانستان هرقندای سیاسی حکومت ورژیم نینگ افلاس لنه یاتکان یورتی گه ایلنیب و بو جغرافیا ده اوز ماهیتی نی قولدن بیره دی. بو بیان بیلن صنعت جمهوریت جغرافیا سیده نه فقط که اوتمیش دن کوره یخشی راق احوالی یوق بلکه کون اوتیشی بیلن صنعت و صنعتچی گه یشش فضاسی تارراق و قرانگی راق بولیب کیلماقده.