طالبان، بدخشان ولایتی وردوج تومنیده ملي دسترخوان دستورینی توختتیلر
بدخشان محلي رسمیلری، طالبان گروهی جنگچیلری وردوج تومنیده اوز نظارتلری آستیدهگي منطقهلرده دسترخوانملي دستورنی سروی و فعالیتلرینی توختتکنی دن خبربیرگن. بدخشان ولایت حاکمی سوزچیسی نیکمحمدنظری بوکون( سهشنبه ۱۱جوزا) نشانه خبرآژانسی بیلن صحبت ده، طالبان ملي دسترخواندستوری رویخطیده بوگروه جنگچی لری اسملری کیریتیلمگنی سبب بو دستور فعالیتلرینی بوتکل توختتکن دیب ایتدی.
بدخشان ولایت حاکمی سوزچیسیگه کوره طالبان وردوج تومنیده ترقیات کینگاش لرده عیاللر حضورینی هم منع ایتکن.
طالبان گروهی حاضرگه قدر بو باره ده بیران نرسه ایتمگن.
بدخشان محلي رسمیلریگه کوره بدخشان ولایتی نینگ سکیز تومنیده میثاق شهروندی ناملی برنامه سي بیرینچی باسقیچی اجرا ایتیلیشی نظرگه آلینگندی اما حکومت کروناویروسی ییرلیشی سبب بو دستور اورنیده دسترخوان ملي دستورینی بو سکیز تومن و بدخشان مرکزی فیضآباد شهریده عملی قیلیشده قرار آلگن. عینی حالده طالباننینگ ممانعت ایتیشی دسترخوان ملی دستورینی بوولایت ده عملی بولیشی یولیده توسیق یرتهالهدي و حاجتمند عایلهلرنی بو دستور یاردملریدن محروم قیلهآله دي.