قندهار ولایتی امنیه قوماندان لیگی نی اعلان قیلیشچه بو ولایت ده ملی اردو هوا قوتلری عملیاتی ده طالبان گروهی نینگ ۳۵جنگچی سی اولدیریلگن.

قندهار ولایتی پولیس اداره سی بوکون ( شنبه ۱۰ عقرب) بیرخبرنامه نشر ایتیب بو قوراللی جنگچی لر اوتکن کونی شام چاغیده بو ولایت نینگ ارغنداب تومنیده اولدیریلگنی نی تاکیدلشکن. خبرنامه ده ملی اردو هوا قوتلری هجومی نتیجه سیده بوگروه نینگ نیچه قرارگاهی و ۳۰ دن کوپراق قورال یراق لری نابود بولگنی هم ایتلگن.

قندهار ولایتی پولیسی حاضرچه طالبان جنگچی لری و امنیتی قوتلر ارا توقنشولر ارغنداب اولسوال لیگی نی «تابین، بابرو، جوی لاهور، خسرو، شیون و چهارغلبی» قشلاق لریده دوام ایتیشی دن خبر بیرگن.

قندهار پولیسی معلوماتیگه کوره، طالبان جنگچی لری بو قشلاق لرده اهالی اویلریگه کیریب و عادی اهالی دن قلقان اوله راق فایده لنگن و شوسبب دن ارغنداب تومنی نی قوراللی طالبان دن تازه عملیاتی آسته سکین کیچماقده.

قندهار ولایتی ارغنداب اولسوال لیگی ده جنگ لر شدت آلگنی بیلن ۱۰۰ دن کوپراق عایله لر اوی جایلرینی ترک ایتیش گه مجبور بولیب آواره بولگن.