ملي اردونی شمال ده‌گي مسوولری، بلخ ولایتی چهاربولک تومنیده طالبان‌نینگ ایککی مهم مسوولی اولدیریلگنی دن خبربیرگن. مسووللرگه کوره طالبان گروهی نینگ شمال زونی استخبارات مسوولی مولوی قدرت و چهاربولک تومنی اوچون طالبان تمانیدن حاکم تعینلنگن منصورگه مشهور مولوی عبدالله ملي اردو قوتلری هوا هجومیده اولدیریلگن.
شاهین قول اردوسی سوزچیسی محمدحنیف رضایی نشانه خبرآژانسی بیلن صحبت ده اردو اوچاقلرینی بو عملیاتی مولوی عبدالله ني چهاربولک تومنیده‌گی قرارگاهی گه قرشی اویشتیریلگن دیب ایتی.
رضایی جنابلری بو هوا هجومی نتيجه سیده طالبان نینگ چهاربولک تومنی اوچون کمیسیونی مسوولی مولوی روحانی اوچ جنگچی سي بیلن جراحتلنگن. شاهین قول‌اردوسی سوزچیسی بو هوا هجومی بو قرارگاه دن تشقری طالبان نینگ سکیز میل قوراللی و سکیز نقلیه واسطه هم نابود بولگن ديدي.
اوتکن کونی بلخ ولایتی شولگره تومنیده ۳۲۲ شاهین ناملی حربی عملیات جریانیده طالبان نینگ ۷جنگچی سي اولدیرلگنی و تورت جنگچی سي یاره لنگنی خبر قیلینگندی. بو حربی عملیات امنیتی و مدافعوی قوتلر تمانیدن شاهین قول اردوسی رهبرلیگی بیلن بلخ ولایتی شولگره تومنیده یولگه قویلگندی.
طالبان گروهی حاضرگه قدر بو باره ده بیران نرسه ایتمگن.