طالبان‌نینگ ۱۸۹ جنگچیسی اۉلدیریلدی؛ گروه نینگ هلمند ولایتی سنگین تومنی حاکمی جراحتلندی
neshananews
28 July 2021مدافعه وزیرلیگی نینگ معلوم قیلیشیچه، اوتکن ۲۴ ساعت ایچیده هوا و ییر عملیاتلریده کمیده طالبان نینگ ۱۸۹ جنگچیسی اۉلدیریلگن.
مدافعه وزیرلیگی بوگون ( چهارشنبه ۶ اسد) نشرایتکن خبرنامه‌سیده طالبان‌نینگ بو جنگچیلری قندهار، زابل، هرات، جوزجان و هلمند ولایتلریده اۉلدیریلگنی حقیده خبربیرگن.
وزیرلیک بیاناتیده ایتیلیشیچه، ینه ۱۳۸ جنگری، شو جمله‌دن طالبان نینگ هلمند ولایتی نینگ سنگین تومنی حاکمی ملاعبدالاحد یاره‌لنگن.
مدافعه وزیرلیگی اخبارات خبرنامه‌سیگه کۉره، طالبان نینگ یوقاری مرتبه‌لی مقامی اردو هوا هجومیده یاره‌لنگن.
طالبان حاضرچه بو حقده ایضاح بېرمه‌گن.
بو آره‌ده، گروه نینگ نامی آشکار قیلینمه‌گن زراعت وزیری، اردو نینگ زابل ولایتیده اویوشتیرگن هوا هجومیده هلاک بۉلگنی هم ایتیلگن.
