طالبان: اوتکن ۲۰ ییلده خارجی قوتلربیلن همکارلیک قیلگن وطنداشلر امان گه دیر
طالبان گروهی، اوتکن ایگرمه ییل جریانیده خارجی قوتلر بیلن همکارلیک قیلگن افغانستاننینگ مینگلب وطنداشلری بو گروه تمانیدن امانگه دیب اعلان ایتکن.
طالبان گروهی بوکون ( دوشنبه ۱۷ جوزا) نشرایتکن خبرنامهسیده بو شخصلر عادی حیاتلرینی دوام ایتیریب و طالبان جنگچی لری تمانیدن هیچقندای تهدید بیلن یوزمه یوز بولمیدیلر دیب ایشانچ بیلدیرگن.
طالبان خبرنامهسیده، خارجی قوتلر بیلن ترجمان، قوریقچی و ساحوی همکار اوله راق ایشلشکن شخصلر، ماموریتلری زمانیده بو گروهنینگ دشمنی ایدیلر اما خارجی قوتلرنی افعانستان دن چیقیشی دن سونگ دشمن اوله راق تانیلمیدیلر دیب تاکیدلشکن.
خارجی قوتلرنی افعانستان دن چیقیشی بیلن عینی زمانده انگلستان، آلمان وآمریکا افعانستان دهگی ساحوی همکارلرینی افعانستان دن چیقاریش اوچون مخصوص دستورلرنی قول اوستیده آلگن.
بو مملکتلر حربی مسووللری اوتکن ایگرمه ییل جریانیده خارجی قوتلر بیلن همکارلیک قیلگن افغانستاننینگ مینگلب وطنداشلری خارجی قوتلرنی افعانستان دن چیقیشی دن سونگ بو گروه تهدیدلری بیلن یوز مه یوز بولیشی دن تشویش بیلدیرگنلر.