سرپل ولایتی امنیتی مسووللریگه کوره بو ولایت نینگ سانچارک تومنی نینگ « تغای خواجه » قشلاقیده بیر یاش عیال طالبان گروهی نینگ امر به معروف مسوولی ملا هاشم تمانیدن تیرباران بولگن.

سرپل امنیه قوماندانی سوزچی سی نورآغا فیضی نشانه خبر آژانسی بیلن صحبت ده دیدی بو واقعه اوتکن کیچه ( یکشنبه ۳۰ سنبله ) روی بیرگن. فیضی جنابلری بو عیال دن اوچ باله قالگن دیدی. طالبان گروهی حاضرگه قدر بو باره ده بیران نرسه ایتمگن.

سرپل پولیسی سوزچیسی حاضرگه قدر بو قتل سببی معلوم ایمس دیگن. اونی معلوم قیلشیچع تغای خواجه قشلاقی طالبان حاکمیتی آستیده دیر.

طالبان نظارتی آستیده بولگن منطقه لرده بوندای واقعه لر انده سنده یوز بیره دی. جاری ییل سرطان آیی ده هم سرپل ولایتی سانچارک تومنی نینگ «تیبر» قشلاقی ده طالبان بیر عیال نی شرعی محرمی بولمگنی اوچون کلتکلش کندی.