طالبان تورکيه حکومتیگه: کابلگه قۉشینلرنی جایلشتیریشنی قَیته کۉریب چیقینگ
طالبان تورکيه حکومتیدن کابلگه حربیقوتلرینی جایلشیشنی قَیته کۉریب چیقیشنی طلب قیلماقده.
طالبان گروهی بوگون ( سهشنبه ۲۲ سرطان) ترقهتگن بیاناتیده تورک قۉشینلری نینگ کابلگه جایلشتیریلیشی افغان-تورک مناسبتلریگه فوتور ېتکزیشینی ایتکن.
گروه خبرنامسیده ایتیلیشیچه، شو ییل ۱۱-سپتامبرده افغانستاندن خارجي قۉشینلر چیقریلگندن کېین تورکيه قۉشینلری نینگ کابلده بۉلیشی “اشغال نینگ دوامی” دېب ناملنهدی و گروه اولرگه قرشی کورهشنی دوام اېتتیرهدی.
طالبان خبرنامهسیگه کۉره، بوگروه وکیللری بو بارهده تورکيه بیلن الّهقچان کېلیشووگه اېریشگن، اما تورکيه حکومتی طالبانگه تعهد بېریشدن باش تارتگن.
عینِ پیتده تورکيه جمهوررییسی رجب طیب اردۉغان انقره نینگ واشنگتن بیلن کېلیشوویگه بناءً کابل خلقارا هواقونالغی حمایه قیلیش اوچون بیر قطار تورک قۉشینلری جایلشیشینی تصدیقلهدی. اوشبو مسأله تورکيه جمهوررییسی تمانیدن تصدیقلنگنیدن سۉنگ، هفته باشیده کابل هواقونالغی ده راکتگه قرشی مدافعه تیزیمی اۉرنهتیلدی و ایشگه توشیریلدی.