998796869898

طالبان جنگچیلری نینگ حرکتلری رهبرلر نینگ دعوالریگه ضد؛ قَیسی بیریگه ایشانیشیمیز کېره‌ک؟

akbardashti

14 July 2021

 مذاکره‌ چوکی‌سیده‌گی اوین‌لر و قطرده‌گی طالبلری وکیللری بوگونگی کونده‌ اۉز تشویقاتلرینی فعاللشتیرگن دېب دعوا قیلیش گروه نینگ جنگچیلری و محلي قوماندانلری نینگ مملکت قیشلاقلری و تومنلریده غرب عامه‌وي اخبارات واسطه‌لری تمانیدن کمراق یاریتیلگن حرکتلریدن جوده‌ فرق قیله‌دی.  طالبان نینگ قطر و مسکوه‌ده‌گی دعوالری افغانستان قیشلاقلری و چېکّه‌ حدودلریده صادر بۉله‌یاتگن نرسه‌لردن توبدن فرق قیله‌دی.  بو شونی کۉرسه‌ته‌دیکی، طالبان سیاسي رهبرلری اۉزلری نینگ جنگچیلری و محلي قوماندانلری اوستیدن کمراق نظارت‌گه ایگه یاکه بوگروه نینگ دنیاقره‌شی، سیاستی، حربي قره‌شلری و قومی مقصدلریده قندای بیر اساسي اوزگریش یوزگه کیلمگن.

بوندای وضعیت‌ده اېندی اهالی آنگیده‌گی سوال – قطرده‌گی طالبلر وکیللری نینگ بیاناتلریگه یاکه اوشبو گروه جنگچیلری نینگ حرکتلریگه ایشانیش کېره‌کمی؟

 قطرده‌گی طالبلر رهبرلری نینگ شهرت‌پرست دعوالری و اولر نینگ دین، تشقی دولتلر بیلن علاقه‌لری، عیاللر نینگ تعلیمی و اولر نینگ تورلی قره‌شلری حقیده‌گی فکرلری مملکت ایچکریسیده و تشقریسیده بیر قطار اهالی‌نی الده‌‌ماقده و گویا‌که طالبان‌نینگ سۉنگگی ایگرمه ییل جریانیده زمانه‌وي حیلت بویچه قره‌شلری اۉزگرگن.  اما بو گروه نینگ حقیقتی – بو اونی جنگچیلری افغانستانده کۉرسه‌ته‌دیگن و عملگه آشیره‌یاتکان نرسه‌ دن باشقه‌چه ایمس‌دیر.  عینِ پیتده طالبان و غرب و طالبان نینگ عامه‌وي اخبارات واسطه‌لری، طالبان نینگ جنگ میدانلری و شهر اطرافیده‌گی حرکتلرینی یمانلش و اعتبارسیز کورست‌مسلیگ بویچه‌مهم‌ رۉل اۉینه‌گن.

 طالبلر جنگ میدانیدن و بو گروه جنگچیلری نینگ حرکتلریدن تن تانیشی‌میز کېرک، نه قطر و روسيه‌ده اوزل ینی غمگین یوزلر و خۉرلیک بیلن نمایش اېتیریاتکان رهبرلری و دنیانی آلدب اۉز ناملرینی چیقریشنی ایسته‌گن تکبرلی رهبرلری دن.  اولر اۉزلرینی قندی‌دیر سیاسي گروه صفتیده نمایش قیلماقده‌لر، حالانکه بو گروه نینگ حربي قوماندانلری اېگه‌للب آلگن حدودلریده حربي جنایتلر، غیرِ انساني حرکتلر و جماعت و اجتماعي اخلاقي قاعده‌لریگه ضد بۉلگن حرکتلرنی صادر اېتیشدی.  مثلاً، مکتبلر نینگ اېشیکلری اۉقووچیلر اوچون یاپدیلر، عیاللرگه آلتینچی صنفدن یوقاری راق تعلیم‌ني منع ایتدیلر، باشقه‌ تماندن، تخار و فاریابده محرّمسیز عیاللرنی کلتکلدیلر.

 بوگروه جنگچیلری قیشلاقلرده و محلي جایلرده سیاسي رقیبلریگه هجوم قیلیب، کۉپلب اویلرنی ویران قیلیشدی.   نیویارک تایمز روزنامه‌سی کندز اهالیسیدن ایقتیباس کېلتیرگن حالده، طالبان اویلرینی هېچ قندای سببسیز تالان-تاراج قیلگن و کېین اونی یاقیب یوبارگن.  مملکت اقتصادي تامری اتله‌دیگن افغانستان نینگ مهم‌ بندرلریده اولر اۉزلری نینگ حکمرانلیکلریدن سۉنگ برچه‌ جهازلر و قوریلمه‌لرنی نابود قیلیشدی و اۉزلری بیلن فقط آزیق-طعام و بادام آلیب کېتیشدی.  اقتصادي بندرلرده اجتماعي ترماقلرده موجودلیگیدن آلینگن تصویرلر بعضی انیق فاکتلرنی آچیب بېره‌دی.  اوشبو فاکتلر اصلیده حاضرگی طالبان اوروشی و گروه نمایش اېتگن زۉرآورلیک آلاوی حقیده حکایه‌ قیله‌دی.

 بیرینچیدن، طالبان نینگ افغانستان، ترقیات، اقتصادیات، مدنیت و خوفسیزلیک بیلن باغلیق سیاسي و کېله‌جککه قره‌تیلگن دستورلری یۉق؛  گروه رهبرلری تامانیدن مطبوعات انجمنلریده ایلگری سوریلگن ادعالر کۉپراق سیاسي یالغان و عامه‌ فکرنی الده‌ش اوچون رسانه‌ای اوروشیدیر و حقیقت گه ماس ایمس.  طالبان هرجایگه هجوم قیلگنده، اولر اقتصادي زیربنالر، مدني قدریتلر، جماعت بنالرینی و حتا که تورر جایلرنی یۉق قیلیب، بوتون شهرنی یاقیب یوباریشه‌دی.  ایکّینچیدن، طالبان جنگچیلری گروه‌نینگ سیاسي رهبرلریدن محروملیک و اقتصادي قشّاقلیک جهتی‌دن سېزیلرلی درجه‌ده فرق قیله‌دی.  اوشبو گروه رهبرلری عیش وعشرت بیلن و  گروه جنگچیلری قشّاقلیکده و فلاکت‌ده یشی‌دیلر و بو موصوع،قطرده‌گی رهبرلری و محروم بۉلگن جنگچیلر اۉرته‌سیده قنده‌ی فرق بارلیگینی و اولر نینگ افغانستانگه مناسبتی قنده‌ی اېکنلیگینی کۉرسه‌ته‌دی؟

 منطقه‌ده‌گی خلق‌ارا عامه‌وي اخبارات واسطه‌لری و سیاستچیلر طالباننی اۉزلری نینگ ایچکی حرکتلری و حربي تشکیلاتلریگه قره‌ب بهالشلری و طالبان نینگ اساسسیز سیاسي اصوللری و حرکتلریگه الدنمسلیکلری کېرک.  بوگون طالبان جنگچیلری و ییللر دوامیده‌ خۉارلیکده یشه‌گن قوماندانلری غضبلنماقده.  بیرار حدود اوستیدن نظارتنی قۉلگه کیریتگندن سۉنگ، اولر جوده‌ ضررلی حرکتلرنی عملگه آشیره‌دیلر.  اولر محلي آقسقاللرنی قییناققه سالماقده‌لر، سیاسي مخالفلرگه قرشی اۉت آچیشماقده و دیني خیلمه-خیللیکنی رد اېتیشماقده.  شو کونلرده اجتماعي ترماقلرده طالبلر بیر نيچه هزاره‌ چۉپانلر بیلن اوجرشکنده اولرنی سۉراقسیز اۉلدیرگنی حقیده‌گی تصویرلر ترقه‌لماقده.  اوشبو گروه تکبیرلری ایتیب هزاره‌نی اۉلدیرگنیدن و “غازی” گه ایلنگنیدن فخرلنه‌دیلر.  اېران و منطقه‌ مملکتلری سرپل ولایتیده میرزاولنگ نینگ کېچیریلمس جنایتی و قیرغینینی اونوتدیلر، اولر حاضرده طالبان نینگ ترغیبات دستوری بیلن قۉشیلیب، اولر اوچون ترغیبات قیلماقده.

 دېمک، طالبان جنگریلری نینگ گروه حدودیده ایشلشی طالبان نینگ اصلی سیماسینی نمونه‌سی‌دیر.  طالبان افغانستان ایچکریسیدن و اهالی‌دن بوشلگن  قیشلاقلردن انیق تانیش کېرک.  قطر و روسيه‌ده‌گی بیر نېچته سیاسي نمایشلر طالبان نینگ آقلیگینی یومشه‌ته آلمه‌یدی.  طالبان نینگ اصل قیافه‌سینی آچیشده رسانه‌لر مهم‌ رۉل اۉینه‌یدی.  عامه‌وي اخبارات واسطه‌لری طالبان حیاتی و گروه جنگریلری و قوماندانلری خطی-حرکتلرینی، ضیالیلر و تحلیلچیلر دنیاگه، منطقه‌گه و خلققه طالبلر و افغانستانده صادر بۉله‌یاتگن واقعه‌لر تۉغریسیده حقیقتنی ایتیب بېریشلری کېرک.  قطرده‌گی طالبلر رهبرلری سیاسي شاولرده و عامه‌وي اخبارات واسطه‌لریده دنیانی الده‌ماقده؛  حالانکه طالبلر مملکت قیشلاقلریده جنایتچیلیک‌گه یوزتوتکن و حیات نینگ برچه‌ ترکیبي قِسملرینی آدملردن تارتیب آله‌دیگن اېنگ محروم و زۉرآور جنگچیلر دیر‌. اېندی اهالی آنگیده‌گی سوال – قطرده‌گی طالبلر وکیللری نینگ بیاناتلریگه یاکه اوشبو گروه جنگچیلری نینگ حرکتلریگه ایشانیشی کېره‌کمی؟