طالبان ننگرهاردهگی اوچته کوبریک نی ویران قیلدی
ننگرهار ولایتی نینگ محلي رسميلری طالبان جنگریلری ولایت نینگ سرخرود تومنیدهگی اوچته کوبریکنیی ویران قیلگنینی تصدیقلهدیلر.
ننگرهار ولایت حاکمی ضیاالحق امرخیل بوگون ( پنجشنبه ۱۴ اسد) اېرتهلب اۉزی نینگ تویتتېر-دهگی صحیفهسیده اوشبو ولایت نینگ سرخرود تومنی نینگ فتحآباد حدودیده اوچته کوبریک یۉق قیلینگنینی یازگن.
جناب امیرخیل نینگ قۉشیمچه قیلیشیچه، طالبلر بو کوبدیکلرنی پارتلوچی ماده لر بیلن ویران قیلگن دیب یازگن.
اونینگ سۉزلریگه کۉره، ولایت نینگ سرخرود، خوگیانی و شیرزاد تومنلری اهالیسی اوشبو اوچته کوبریک طفیلی جلالاباد شهریگه باریشده قیینچیلیکلرگه دوچ کېلیشگن.
طالبان حاضرچه بو باره ده هېچ قندهی ایضاح بېرمهدی. اوّلراق طالبان قندههار ولایتی نینگ ارغنداب تومنیده اۉنلب کتته و کیچیک کۉپریکلرنی ویران قیلگن اېدی.