شاهین قول اردو سی نی اعلان قلیشیچه طالبان نینگ نیچه قوماندانی داخل ۱۵۰ جنگچی سی امنیتی و مدافعوی قوتلرگه تسلیم بولگن.

شاهین قول اردوسی تمانیدن نشر ایتیلگن خبرنامه ده بو جنگچی لر بوکون ( سه شنبه ۱۵ میزان) سرپل ولایتی نینگ بلخاب و کوهستانات تومنلریده امنیتی قوتلرگه تسلیم بولگنی تاکیدلنگن.خبرنامه گه کوره طالبان گروهی نینگ بیش قوماندانی احمد مرادی، خادم رزمنده، سخی محمدی، حمید صادقی و حاجی امیری لردن عبارت دیر.

شاهین قول اردوسی طالبان گروهی نینگ بو جنگچی لری دولت تمانیدن بو ایککی تومن ده حربی عملیات لر به تکرار یولگه قویلگنی طفیلی امنیتی قوتلرگه تسلیم بولگنی ایتلگن. ملی اردو نینگ سرپل ولایتی کوهستانات تومنی نینگ کاشان و اسمیدان منطقه لریگه تیگیشلی بولگن  ورجک، قیراق، شینیه، اسکیک و پشته قشلاق لریده یولگه قویلگن حربی عملیات لری تیجه سیده بو منطقه لر طالبان جنگچی لریدن بوتکل تازه لنگن.

عینی دمده بوکون توش دن آلدین هم طالبان نینگ ۱۵۰ جنگچی سی بلخ ولایتی نینگ بلخاب تومنی گه هم تینچلیک آقیمی گه قوشیلگندی.

طالبان نینگ بو جنگچی لری اوندای بیرحالده اوروش دن قول تارتیشکن که جمهور رییس غنی اوتکن کونی قطر ده افغانستان دولتی نینگ مذاکره قیلوچی هیاتی اعضالری بیلن اوچرشکنده طالبان جنگچی لری اوروش دن خسته بولگن دیب ایتکندی.