طالبان نينگ بيش جنگچي سي بادغيس ده اولديريلدي
ملي مدافعه وزيرليگي ني اعلان قيليشيچه بادغيس ولايتي نينگ بالامرغاب تومنيگه قرشي طالبان جنگچي لري هجومي مغلوبيت گه اوچرشدي.
بو وزيرليك نشرايتكن خبرنامه سيده، طالبان بالامرغاب تومني بيرقسميني اوز نظارتلري آستيده كيرتيش قصدي بيلن كتته هجوم ني يولگه قويديلر اما امنيتي قوتلر بوهجوم باشلنيشي دن آلدين طالبان قرارگاه لريني نشان گه توتيلر. مدافعه وزيرليگي خبرنامه سيده اوتكن كوني توش دن آلدين ( جمعه ١٧ اسد ) يولگه قويلگن بو هجوم ده طالبان گروهي نينگ اينگ آز بيش جنگچي سي اولديريلگني و ١٢ جنگچي سي هم ياره لنگي تاكيدلنگن.
ملي مدافعه وزيرليگي، امنيتي قوتلر تلفاتي حقيده بيران تفصلات نشر ايتمگن. طالبان هم بو باره ده بيران مناسبت كورستمگن.
عيني حالده بادغيس امنيه قومانداني محفوظ وليزاده، بو توقنشو يوزبيرگني ني تصديقلب اما حاضرگه قدر بو واقعه باره سيده تفصيلات يتيب كيلمگن ديدي.
بالامرغاب تومنيده گي امنيتي قوتلر ملي مدافعه وزيرليگي قوتلريگه تيگيشلي دير.بالامرغاب بادغيس ولايتي نينگ ناتينچ تومني دير، طالبان بو تومن نينگ اكثر قشلاق لريده مستحكم قرارگاه لرگه ايگه ديرلر.