قندهار ولايتي امنيه قوماندان ليگي، طالبان نينگ ٤٠ گه يقين جنگچي لري بو ولايت ده اردو و پوليس قوتلري نينگ مدافعوي عملياتلري نتيجه سيده اولديريلگني ني اعلان ايتي.

قندهار پوليسي بوكون ( سه شنبه ٢٠ عقرب) نشر ايتكن خبرنامه سيده بو جنگچي لر اوتكن شام ژري، ميوند و پنجوايي تومنلريده اولديريلگني دن خبر بيرگن. خبرنامه گه كوره طالبان نينگ اينگ آز اون جنگچي سي هم بو عمليات لرده ياره لنگن.

قندهار پوليسي خبرنامه سي ده بو جنگچي لر اردو و پوليس قوتلري پوسته لريگه قرشي اويشتيرگن هجوم و امنيتي بوتلر مدافعوي عمليات لري جريانيده اولديريلگني تاكيد لنگن. بو تمايات در جريانيده شونينگ ديك طالبان نينگ ٢٨ آغير و ينگيل قوراللري و ايككي نقليه واسطه سي هم نابود بولگني خبرنامه ده قيد ايتيلگن.

قندهار ولايتي سونگي كونلرده طالبان هجوملريگه گواه دير. بو گروه جنگچي لري سونگي هفته لرده بو ولايت نينگ ارغنداب تومني ني باسيب آليش ني قصد قيلگنديلر اما هجوملري شكست گه اوچرشدي. ملي اردو قوتلري اوتكن هفته بو تومن ني بوتكل طالبان جنگچي لريدن تازه لشدي.