طالبان نينگ كندز ولايتي چهاردره تومني گه قرشي هجومي دفع ايتيلدي
كندز ولايتي امنيتي مسووللريگه كوره بو ولايت نينگ چهار دره تومنيگه قرشي طالبان جنگچي لريني نيچه استقامت دن هجوملري دفع ايتيلگن.
كندز پوليسي سوزچيسي هجرت الله اكبري ني ايتيشيچه بو هجوم اوتكن كيچه ( ٢٧ اسد) ساعت ١٠:٢٠ دقيقه ده نيچه اسقامت دن ملي و محلي پوليس قوتلري پوسته لريگه قرشي باشلنيب يريم كيچه گه چه دوام ايتي.اونگه كوره امنيتي قوتلر تمانيدن دفع ايتيلگن بو هجوم ده طالبان جنگچي لريگه تلفات يتكزيلگن.
كندز امنيه قوماندان ليگي سوزچيسي، امنيتي قوتلر و طالبان جنگچي لري ارا يوز بيرگن بو توقنشوده طالبان نينگ تورت جنگچي سي هلاك و ايككي جنگچي سي ياره لنگن ديدي.
كندز ولايتي امنيتي مسووللري، طالبان جنگچي لري تلفات كورگندن سونگ منطقه دن قاچيب كيتيگني ني ايتيب خوفسيزليك وضعيت عادي لشگني دن ايشانچ بيلديرگن.
چهار دره كندز ولايتي نينگ ناتينچ تومني دير. بو تومن سونگي ييل لرده طالبان گروهي نينگ ييريك مركزي و پناه گاهي گه ايلنگن.