هرات ولایتی ده ملی اردو قوتلری و طالبان جنگچی لر ارا یوز بیرگن توقنشوده طالبان گروهی جنگچی لریدن اینگ آز آلتی کیشی اولدیریلیب و اوچ کیشی هم یاره لنگن.

ظفر ۲۰۷ قول اردوسی سوزچیسی سیدآقاحسینی گه کوره طالبان جنگچی لری اوتکن کیچه ( شنبه ۲۴ عقرب) ملی اردونینگ پشتون زرغون تومنی ده جایلشکن « ده شیخ» قشلاقی ده‌گی پوسته سیگه هجوم اویشتیرگن. حسینی جنابلری طالبان نینگ بو هجوملری ملی اردو قوتلری تمانیدن دفع ایتیلیب و اونی نتیجه سیده طالبان جنگچی لریدن آلتی کیشی اولیب و اوچ جنگچی هم یاره لنگن دیدی.

ظفر قول اردوسی سوزچیسی اما امنیتی قوتلرگه یتکزیلگن تلفات حقیده تفصیلات بیرمه دی. اما محلی منبع لر نشانه خبرآژانسی گه ایتکن که بو توقنشوده ملی اردونینگ اوچ عسکری هم اولدیریلگن.

طالبان گروهی حاضرگه قدر بو باره ده بیران نرسه ایتمگن.

پشتون زرغون، هرات ولایتی نینگ ناتینچ تومنلریدن بیری دیر. طالبان جنگچی لری نینگ بو تومن نینگ بیرقطار قشلاقلریده فعال حضوری بار.