بدخشان محلی رسمیلریگه کوره طالبان جنگچیلرینی بو ولایت نینگ خاش و راغستان تومنلریگه قرشی هجوملری امنیتی قوتلر مقاومتی سبب دفع ایتیلیب و گروه گه تلفات یتکزیلگن.

بدخشان ولایت حاکمی سوزچیسی نیک‌محمد‌نظری بوکون( دوشنبه ۱۰جوزا ) نشانه خبرآژانسی بیلن صحبت ده ديدي طالبان جنگچیلری اوتکن ۲۴ ساعتده خاش و راغستان تومنلری ایریم قسملریگه هجوم اویشتیریگن.

اونگه کوره بو هجوملر امنیتی، مردمی قوتلر مقاومتی و هوا هجوملر آرتیدن دفع ایتیلگن.

نظری جنابلری ایککی تمان ارا یوزبیرگن توقنشولرده طالبان جنگچیلریدن ۱۵ کیشی دن کوپراق اولدیریلیب جراحتلنگن دیب و نيچه قشلاق هم طالبانجنگچیلریدن تازه‌لنگن دیدی.

بدخشان ولایت حاکمی سوزچیسیگه کوره بو توقنشولرده امنیتی قوتلرگه صدمه یتکزیلمگن.

طالبان گروهی حاضرگه قدر بو باره ده بیران نرسه ایتمگن.

بدخشان محلي رسمیلری اوتکن بیر‌آی جریانیده طالبان جنگچی لرینی هجوملری بدخشان ولایتی بیرقطار تومنلریده آرتیب بارگن اما اولرگه کوره امنیتی قوتلر مقاومتی سبب بوگروه نینگ برچه هجوملری دفع ایتیلب شکست گه اوچره‌گن.