بدخشان محلی رسمی لریگه کوره طالبان نبنگ بدخشان ولایتی تیشیکان تومنی گه قرشی هجوملری رد ایتیلگنی دن خبر بیرگن.
بدخشان ولایت حاکمی سوزچیسی نیک محمد نظری بوکون ( سه شنبه ۲۸ ثور) نشانه خبرآژنسی بیلن صحبت ده دیدی طالبان جنگچیلری اوتکن کیچه نیچه استقامت دن تیشیکان تومن مرکزیگه قرشی هجوم اویشتریب تومن مرکزی نی تصرف ایتماقچی ایکن اما بو هجوم امنیتی قوتلرتمانیدن دفع ایتیلیب و طالبان کاتته تلفات بیریب ساحه دن آرقه گه چیکینگنلر. نظری جنابلری طالبان تلفاتی حقیده بیران معلومات بیرمه دی.
عینی حالده طالبان تمانی بو توقنشوده بو گروه جنگچی لریگه یتکزیلگن تلفات نی رد ایتیب بو هجوم تیجه سیده بو تومنده‌گی بیش محلی پولیس طالبان صفیگه قوشیلگنی نی ادعا قیلگن.
بدخشان محلی رسمیلری امابو تومن ده محلی پولیس موجود ایمس لیگی نی اورغولب و امنیتی قوتلردن هیچ بیر کیشی طالبان صفیگه قوشیلمگن دیب تاکیدلشکن.
تیشیکان بدخشان ولایتی نینگ ناتینچ تومنلریدن بیری دیر و طالبان جنگچی لری نیچه ییل دن بیری بو اوزاق توشکن تومن نینگ بیرقطار قشلاقلریده نظارت قیلماقده لر. بو تومن، ارگو، درایم، تگاب و بدخشان نینگ جرم تومنلریگه یاریش اوچون قتناو یولی دیر.