ملی مدافعه وزیرلیگی کابل ولایتی شکردره تومنیده طالبان گروهی نینگ بیرتنیقلی قوماندانی توتقین ده آلینگنی دن خبر بیردی.

بو وزیرلیگ نشر ایتکن خبرنامه سیده، مملکت امنیتی و مدافعوی قوتلری اوتکن کیچه ( شنبه بیرینچی سنبله) بیر قوشمه عملیات ده طالبان گروهی نی شکرده تومنی « بویه‌زار» قشلاقیده‌گی قوماندانی عبدالمنان اوغلی ملا اخترنی توتقین ده آلینگنی نی تاکیدلشکن.

ملی مدافعه وزیرلیگی معلوماتیگه کوره، توتقین ده آلینگن شخص شکردره تومنیده تروریستی فعالیت لرده دخلدار بولیب بو تومن یشوچیلریدن باج آلرایکن.

مدافعه وزیرلیگی اوتکن کونی هم شکردره تومنیده امنیتی و مدافعوی قوتلرتمانیدن یولگه قویلگن عملیات ده ایککی « تروریست» قولگه آلینگنی دن خبر بیریب اما کیم لیک لرینی آچیقله مگندی.

سونگی کونلرده کابل ولایتی تومنلری خصوصا کابل شمالی ده جایلشکن اولسوال لیک لرناتینچ بولیب بارماقده . اوتکن هفته قاچقین لر وزیرلیگی شکردره تومنی ده طالبان قوراللی لری هجومی کوپیگنی آرتیدن اونلب عایله آواره بولیب اوی جایلرینی ترک ایتیش ده مجبور بولگنی دن خبر بیرگندی.