طالبان نینگ حیرتان بندریگه قیلینگن هجومی دفع ایتیلدی
بلخدهگی خوفسیزلیک خادملری نینگ ایتیشیچه، طالبان حیرتان سودا بندریگه قۉشمه خوفسیزلیک قوتلرگه قرشی هجومنی دفع ایتیلگن.
شِمالده جایلشگن حیرتان تجارت شهرچهسی پولیسسی باشلیغی شفیع فیض نشانه خبرآژانسی گه طالبان جنگریلری بوگون ( یکشنبه ۲۰سرطان) اېرتهلب دولت حربی قوتلری پوسته و قرارگاهلریگه هجوم قیلگنینی ایتدی.
جناب فیض خوفسیزلیک کوچلری طالبان هجومینی قَیتریشگه قادر اېکنلیگینی قۉشیمچه قیلدی. اونینگ سۉزلریگه کۉره، طالبلر بو حدوددن قاچیب کېتگن و اولر نینگ بیر قطار جسدلری جنگ میدانیده قالگن. جناب فیض واقعهده بیر قطار خوفسیزلیک کوچلری هم جراحت آلگنینی تصدیقلهماقده. او باحقده باتفصیل معلومات بېرمهدی.
حیرتان پولیس باشلیغلینینگ سۉزلریگه کۉره، طالبلر سۉنگگی بیر آی ایچیده اوشبو بندرگه اۉن مرتهدن کۉپراق هجوم قیلگن، اما هنوزگچه بوبندرنی اۉز نظارتیآستیده آلالمهگن. خوفسیزلیک خادملری نینگ تأکیدلشیچه، جنگ حکومت کوچلری و طالبان اۉرتهسیده حیرتان سودا شهرچهسی نینگ کیریش کمربندیدن اۉن کیلومتر اوزاقلیکده بۉلگن. اولر نینگ سۉزلریگه کۉره، حیرتان شهریدهگی وضعیت اۉز حالیگه قَیتگن.
طالبان حاضرچه بوحقده ایضاح بېرمهگن.
طالبلر حیرتان شهریدهگی قۉشمه خوفسیزلیک کوچلر قرارگاهلریگه اوندای بیرحالده هجوم قیلماقده، بلخ محلي حکومتی اېسه کېچه حیرتان شهری نینگ قۉشنی تومنلریده تازهلش عملیاتلرنی باشلهگنلیگینی اعلان قیلدی.