طالبان نینگ سرپل قماقخانهسیگه قیلگن هجومی قَیتریلدی
سرپل ولایتی نینگ امنیتی خدمتی رسميلری نینگ ایتیشیچه، طالبان گروهی نینگ مرکزي قماقخانه و سر-پول شهری نینگ اَیریم قِسملریگه اویوشتیرگن هجومی مملکت خوفسیزلیک و مدافعه کوچلری تامانیدن قَیتریلگن. کیچه یریم تونده طالبلر قماقخانه و سرپال-جوزجان شاه یولی نینگ کهنه کمربندی نینگ حدودیگه هجوم قیلیشدی.
سرپل پولیس قوماندانلیگی سوزچیسی نور آغا فیضي نشانه خبرآژانسیگه مملکت خوفسیزلیک و مدافعه کوچلری طالبان هجومینی قَیترگنینی ایتدی. جناب فیضی نینگ قۉشیمچه قیلیشیچه، تۉقنهشووده طالبان جنگچیلریگه تلفات یتکزیلگنی نیایتکن. او طالبان جنگریلری و حکومت کوچلری آرهسیده قنچه قربانلر بارلیگی حقیده باتفصیل معلومات بېرمهدی.
سرپل پولیس سوزچیسی نینگ ایتیشیچه، کېچکی تۉقنهشوولر تلفاتلری حقیده باشقه تفصیلاتلرنی حلی قولگه کیلمگنی ني تاکیدلشدی. جناب فېضی نینگ قۉشیمچه قیلیشیچه، حاضرده سرپل شهری حکومت کوچلری نظارتی آستیده.
طالبان حلی بو حقده مطبوعاتگه خبر بېرمهگن.
طالبان ایکّی آیدن بویان سرپل-جوزجان شاه یولی نینگ ایریم قِسمینی نظارت قیلماقده. بو گروه جنگریلری کېنگ مقیاسلی هجوملر اویوشتیریب، سرپل شهرینی اېگهللشگه بیر نېچه بار اورینیشگن. اما حاضرچه موفقیت قازانمهگن.