طالبان نینگ سیاسي معاونی چین‌گه سفری
neshananews
28 July 2021طالبان نینگ قطرده‌گی دقتری رسميلریگه کۉره، بو گروه‌نینگ سیاسي اۉرین‌باسری ملا عبدالغنی برادر تۉقّیز کیشیلیک هیئت بیلن باش‌چیلیگیده چین سفر قیلگن.
طالبان سیاسي دفتری مطبوعات سوزچیسی محمد نعیم بوگون (چهارشنبه ۶ اسد) تویتتېرده‌گی صحیفه‌سیده، بو‌سفر کېچه چین تشقی ایشلر وزیرلیگی تکلیفی‌گه بناءً عملگه آشیریلگنی دن خبربیرگن.
جناب نعیم نینگ قۉشیمچه قیلیشیچه، ملا برادر اوشبو سفر دوامیده چین تشقی ایشلر وزیری بیلن صحبتلشگن. اونینگ سۉزلریگه کۉره، مذاکره‌لرده چېگره خوفسیزلیگی و افغانستان تینچلیک جریانی محاکمه قیلینگن.
عینِ پیتده افغانستان و منطقه تینچلیگی و خوفسیزلیگی مناسبتی بیلن امریکا تشقی ایشلر وزیری هم هندوستانگه سفر قیلگن و تېز آره‌ده کویت‌گه سفر باریشی رېجه‌لشتیریلگن.
بو سفرلر خارجي قۉشینلرنی افغانستاندن آلیب چیقیش تخمیناً بیر آی ایچیده یکونلنیشی کوتیله‌یاتگن پیتگه تۉغری کېله‌دی.
