کمیسیون حقوق بشر

طالبان نینگ غزنی‌ني مالستان تومنیده اوروش جنایتی؛ ۲۷ عادی اهالی آتیب اۉلدیریلگن، عیاللر باردی کیلدی‌سي چیکلنگن

neshananews

07 August 2021

افغانستان‌انسان حقوقلری مستقل کمیسیونسی خبر بېریشیچه، غزنی نینگ مالستان تومنیده طالبان جنگریلری تامانیدن ۲۷ نفر تینچ اهالی آتیب اۉلدیریلگن.
کمیسیون بوگون ( شنبه ‌۱۶ اسد ) نشرایتکن خبرنامه‌سیده طالبان جنگریلری غزنی نینگ مالستان تومنی ني قۉلگه آلینگنیدن کېین حربي جنایت صادر اېتگنی ایتیلگن.
خبرده ایتیلیشیچه، طالبان جنگریلری تامانیدن تومنده کمیده ۲۷ نفر تینچ اهالی آتیب اۉلدیریلگن، ینه‌ اۉن نفر تینچ اهالی یاره‌لنگن. شونده‌ی قیلیب، گروهگه تسلیم بۉلگن کۉپ سانلی خوفسیزلیک کوچلری اۉققه توتیلگنی خبر قیلینگن.
خبرده ایتیلیشیچه، طالبان تومننی اېگه‌للب آلگنیدن کېین مالستان تومنیده عیاللر باردی کیلدی سینی کېسکین چېکلنگن. کمیسیون معلوماتلریگه کۉره‌، طالبلر تومنده‌گی عیاللرگه حجاب‌سیز و محرّم‌سیز اویلرینی ترک اېتمسلیکنی، قیزلر اېسه مکتبگه بارمسلیکنی بویورگن.
انسان حقوقلری بۉییچه‌ کمیسیون طالبان نینگ غزنی ولایتی نینگ مالستان تومنیده‌گی حرکتلرینی اوروش جنایتی دېب بهاله‌دی و گروهنی اوروش جنایتلرینی تا‘خته‌تیشگه چقیردی.
طالبان الّه‌قچان قندوز، فاریاب و قندهار ولایتلریده حربي جنایتلر و انسان حقوقلرینی بوزیشده عیبلنگن. بیراق، آخرگی ایکّی هفته‌ مابینیده‌ طالبلر شهرلرده هجوملرینی کوچه‌یتیردی.