طالبان نینگ فیض‌آباد شهریگه قیلگن هجومینی قَیتریگنی؛ اۉن طالبان جنگچیسی اولدیریلگن
neshananews
15 July 2021بدخشان محلي رسميلری، طالبان نینگ ولایت مرکزی فیض‌آباد شهریگه قرشی اویوشتیرگن هجومینی قَیترگنلیکلرینی و بو گروه جنگریلریگه کتّه تلفاتلر ېتکزگنینی اَیتماقده‌لر.
بدخشان ولایت حاکمی مطبوعات سوزچیسی نیک محمد نظري نینگ ایتیشیچه، کېچه ( چهارشنبه ۲۳ سرطان) طالبلر “اسپنگل” حدودی و فیض‌آباد شهری نینگ چېکّه‌لریگه هجوم قیلیشدی. جناب نظری طالبلر نینگ هجومی خوفسیزلیک کوچلری تمانیدن قَیتریلگنینی و طالبلر تلفات کۉرگنینی قۉشیمچه قیلدی.
بدخشان ولایت حاکمی سوزچیسی هجومنی قَیتریش جریانیده اۉن طالبان جنگچیسی، جمله‌دن گروه رهبری اۉلدیریلگنی و اۉن اوچ کیشی یاره‌لنگنینی تاکیدلشدی. اونگه کۉره، تۉقنه‌شوو پیتیده ایکّی خوفسیزلیک کوچی هلاک بۉلگن و تۉرت کیشی یوزه‌کی یاره‌لنگن.
طالبان حاضرچه بو توغریده ایضاح بېرمه‌گن.
سۉنگگی ایکّی هفته ایچیده طالبان بدخشان نینگ ۲۶ تومنینی اېگه‌للب آلدی. حاضرده فقط کران و منجان تومنلری و ولایت نینگ مرکزی بۉلگن فیض‌آباد شهری مملکت خوفسیزلیک و مدافعه کوچلری نظارتی آستیده دیر.
