قندهار ولایتی امنیتی رسمیلریگه کوره پولیس نینگ تامینات کاروانیده طالبان هجومی جریانیده بو گروه نینگ تورت جنگچی سی اولدیریلیب و اوچ کیشی سی یاره لندی.

قندهار امنیه قوماندان لیکی بو کون ( چهارشنبه ‍۶ میزان ) نشر ایتکن خبرنامه سیده بو هجوم اوتکن کونی توش دن سونگ بو ولایت نینگ شاه ولی کوت تومنی نی «ویاند» قشلاقی حدودیده یولگه قویلگنی دن خبر بیریب بو هجوم ده امنیتی قوت لرگه هیچقندای صدمه یتکزیلمی و هجوم دفع ایتیلگن دیب تاکیدلنگن.

طالبان نینگ قوراللی حرکت لری سونگی وقت لرده قندهار ولایتی ده کوپیگن. بو گروه جنگچی لری هرکون نیچه بار امنیتی قوتلر پوسته لریگه هجوملرنی ریجه لب عملی قیله دیلر.