برشنا شركتي مسوللريني ايتيشيچه طالبان جنگچي لري هلمندولايتي مركزيدلشكرگاه شهري دوراهي منطقه سيني اوز نظارتلري آستيده كيريتكن دن سونگ بو ساحه ده اهالي گه برق يتكزه ياتكان بو شركت ني ١٧ملازمني اوغيرلشكن.

برشنا شركتي سوزچيسي صديق الله توحيدي بوكون ( دوشنبه ٢١ ميزان) نشانه خبر آژانسي بيلن صحبت ده برشناشركتي ني بو ملازم لري اوتكن كوني طالبان تمانيدن اوغيرلنگ ديدي. توحيدي جنابلري لشكرگاه شهري دوراهي منطقه سيده برق يتكزيش بيلن شغللنه ياتكان برشناشركتي ني ايككي تخنيكي ملازمي و ١٥ امنيتي خادمي اوغيرلنگن شخصلر بولگن ديب ايتي.

برشناشركتي سوزچيسي گه كوره طالبان بو منطقه ني اوز نظارتلري آستيده كيرتكن دن سونگ بو ملازملرني توتقين ده آليب و قندهار ولايتي گه يتكزيله ياتكان برق ني كسيب قويگنلر.

صديقي جنابلريني تاكيدلشيشيچه طالبان بو منطقه گه هجوم اويشتيرگن دن سونك محل يشوچي لري سب استيشن اسباب اسكونه لريني تالان تاراج قيلگن.

طالبان جنگچيلري اوتكن ٢٤ ساعتده لشكرگاه شهريده هجوملريني شدت بيرگن. ملي مدافعه وزيرليگي مسووللري ملي اردو ياردمچي قوتلري بو ولايت گه جونتيلگني دن خبر بيريب و بو ولايت وضعيتي تيزليك ده عادي حالت گه قيتيشي دن سوز يورتكن.

ايچكي ايشلر وزيرليگي نشر ايتكن معلومات گه كوره اوتكن كوني شام طالبان نينگ قريب ٧٠ جنگچي سي لشكرگاه شهريده يوز بيرگن توقنشولرده اولديريلگن.

اما طالبان سوزچيسي بو گروه جنگچيلري لشكرگاه شهري بير حوزه سيني تصرف ايتكني ني ادعا قيليب و باشقه بير حوزه ني اوز كنترول لري آستيده كيريتيش اوچون توقنشوني دوام ايتيرماقده ديب ايتكن.