طالبان هیاتی، افغانستان حکومت هیاتی بیلن اوچره‌شیش اوچون تهرانگه سفرقیلدی
neshananews
07 July 2021طالبان نینگ قطرده‌گي سیاسي دفتری گروه نینگ علیحده هیاتی افغانستان حکومتی هیاتی بیلن اوچره‌شیش اوچون اېران‌گه بارگنینی اعلان قیلدی.
بوگون ( چهارشنبه ۱۶ سرطان) طالبان نینگ قطرده‌گي سیاسي دفتری سوزچیسی محمد نعیم اۉزی نینگ تویتترده‌گی صحیفه‌سیده یازیشیچه، هیات تهران نینگ رسمي تکلیفیگه بناءً مملکتگه تشریف بویورگن.
جناب نعیم نینگ قۉشیمچه قیلیشیچه، هیاتنی طالبان سیاسي دفتری رهبری نینگ اۉرین‌باسری شیر محمد عباس ستانکزی باشقه‌ره‌دی.
طالبان نینگ قطرده‌گي سیاسي دفتری سوزچیسی‌ني تأکیدلشیچه، اېران رسميلری بیلن اوچره‌شیشدن تشقری، طالبان هیاتی بیر قطار افغانستانلیک شخصیتلر، مملکتده‌گی موجود وضعیت و اوروش توگه‌شینی محاکمه قیله‌دی.
بیراق جناب نعیم اوشبو سفر دوامیده هیئت نینگ اېران‌ده کیملر بیلن اوچره‌شیشینی انیق ایتمه‌گن.
عینِ پیتده، منبعلر نشانېه خبرآژانسی‌گه، افغانستان حکومتی نماینده‌سی بۉلگن یوقاری درجه‌ده‌گی هیات طالبان هیاتی بیلن اوچره‌شیش اوچون تهرانگه بارگنینی ایتدی. اوشبو منبعلرگه کۉره، محمد یونیس قانوني، سَلام‌رحیمی، کریم خرم، ارشاد احمدی، ظاهر وحدت و محمدالله باتش اوشبو هیات اعضالزی دیر.
حاضرچه افغانستان حکومتی بو باره‌ده رسمي معلومات بیرمگن.
