کندز ولایتی امنیتی مسووللریگه کوره طالبان نینگ بیرمشهور ماین توزتوچی سرکرده سی ۹ جنگچی سی بیلن اوزلری جایلشتیرگن ماین لری پارتلشی نتیجه سیده اولدیردیلر. کندزولایتی امنیه قوماندان لیگی مطبوعات دفتری بیرخبرنامه نشرایتیب یازگن طالبان گروهی نینگ مشهور قوماندانی و ماین تورتوچی مهم اعضالریدن بولگن « یک شانه » گه مشهور سیف الرحمان نیچه جنگچی سی بیلن اوتکن کیچه ساعت ۸.۳۰ دقیقه ده بیربشکه ای ماین نی جایلشتیریش چاغیده اولدیردیلر. خبرنامه گه کوره بو گروه کندز و علی آباد تومنی شاه یولی ده امنیتی قوتلر و عادی اهالی نی نشان گه توتیش اوچون بوماین اورنتیش نی مقصد قیلگن ایکن. کندز امنیتی مسووللریگه کوره طالبان گروهی نینگ بو سرکرده سی اوز جنگچی لری بیلن علی آباد تومنی نینگ « خزانه دار گذری» منطقه سیده اوز مقصدیگه قول تاپیش دن آلدین اوزلری جایلشتیرگن ماین قربانی بولگن. بو واقعه ده بو گروه نینگ نیچه جنگچی سی هم یازه لنگن. کندزولایتی پولیس سوزچیسی هجرت الله اکبری نی معلوم قیلیشیچه سونگی کونلرده بو ولایت ده زوروان لیک لر میزانی کوپیگن. اونگه کوره بوگروه جنگچی لری امنیتی قوتلرپوسته لریگه قرشی هجوم اویشتیریش، ماین جایلشتیریش و عمومی یوللرده چک پاینت لرایجاد ایتیش دن علاوه مردم دن هم باج آلیش نی هم کوپیتیرگن.