طالبلر آقچه تومنیده محرم‌سیز عیاللرنی باردی‌کیلدی‌سی و موزله‌تیلگن تاووق گۉشتینی ساتیشنی منع ایتدی
neshananews
28 June 2021جوزجان نینگ اقچه تومنیده‌گی طالبان جنگچیلری محرم‌سیزعیاللرگه باردی‌کیلدی‌سی و موزلنگن تاووق گۉشتینی ساتیب آلیش و ساتیشنی منع ایتکن. اوشبو گروه جنگچیلری بو خبرلرینی اقچه تومنی اهالیسیگه مسجدلر نینگ لادسپیکرلری آرقه‌لی ېتکزگن.
جوزجان ولایت کېنگاشی اعضاسی بسم‌الله ساحل نشانه‌خبرآژانسی بیلن صحبت‌ده، طالبان تومنده‌گی عیاللرگه خبر یوباریب، اولرنی بازارگه بارمسلیک یاکه محرم‌سیز اویلریدن قیلمسلیک دن آگاهلنتیرگن. منطقه اهالیسیگه کوره، طالبان، اهالی‌دن موزلنگن تاووقلر اۉرنیگه افغانستان ده یشتیشتیریلگن تاووقلردن فایده‌لنیش‌لرینی بویرگن.
طالبلر نیمه اوچون موزله‌تیلگن تاووق گۉشتینی ساتیشنی منع ایتگنی حقیده حاضرچه ایضاح بېرمگن.
اقچه تومن مرکزیده‌گی منبعلرنینگ تصدیقلشیچه، طالبلر آقچه‌ده‌گی محرّم‌سیز عیاللرنی اویلریدن چیقیشی‌ني منع ایتکن.
عینِ پیتده، جوزجان پولیس قوماندانلیگی نینگ مطبوعات کاتبی احمد مسسود ندیم، اولر طالبان حرکتی حقیده آقچه تومنی بیلن علاقه نینگ یۉقلیگی سببلی بېخبر اېکنلیکلرینی ایتدی.
تخمیناً بیر هفته آلدین ۱۲۰ مینگ اهالیسی بۉلگن اقچه تومنی طالبان جنگچیلری تامانیدن جنگسیز قۉلگه آلینگن اېدی.
