FB_IMG_1620981638999

عادله راز افغانستان نينگ امريكاده گي ايلچي سي صفتيده تعين لندي

neshananews

14 May 2021

افغانستان تشقي ايشلر وزيرليگي بير معتبر منبع سي، افغانستان نينگ بيرلشكن ملتلر تشكيلاتي ده گي دايمي نماينده سي عادله راز افغانستان نينگ امريكاده گي ايلچي سي تعينلنگني ني تصديقلشدي.

اوز اسميني ايتيش ني ايسته مگن بو منبع بوكون ( جمعه ٢٤ثور) نشانه خبررآژانسي بيلن صحبت ده ديدي خانم عادله راز، افغانستان نينگ امريكاده گي ايلچي سي رويا رحماني اورنيده تعينلنگن. خانم راز يقين كيله جكده اوزايشي ني بو منصب ده باشله ماقچي.

عادله راز پكتيا ولايتي ده توغيلگن و عالي تحصيلاتي ني حقوق بوليمي ده بير امريكايي عالي اوقويورتده يكونلنتيرگن.

عادله راز اوچ ييل دن بيري افغانستان نينگ بيرلشكن ملتلر تشكيلاتي ده گي دايمي نماينده سي صفتيده وظيفه بجرگن. او ١٣٩٧ ييلي آخرلريده بو وظيفه ده تعينلندي. عادله راز ايلك افغان عيال ايدي كه افغانستان نينگ بيرلشكن ملتلر تشكيلاتي ده دايمي نماينده صفتيده ايش بجرگن.

حاضرگه قدر خانم راز اورنيده كيم تعينلنگني معلوم ايمس.

خانم راز اونداي بير حالده افغانستان نينگ امريكاده گي ايلچي سي صفتيده تعينلندي كه بوندن آلدين رويا رحماني بو منصب ده وظيفه بجرردي.