عادله راز افغانستان نینگ امریکاده‌گی اېلچیسی صفتیده ایش باشله‌دی
neshananews
27 July 2021افغانستان نینگ امریکاده‌گی اېلچیخانه‌سی عادله راز افغانستان‌نینگ امریکاده‌گی ینگی ایاچی‌سي صفتیده واشنگتن ده رسماً ایش باشله‌گنینی اعلان قیلدی.
اېلچیخانه بوگون اېرته‌لب (سه‌شنبه ۵ اسد) نشرایتکن خبرنامسیده راز خانم اۉز ایشینی امریکا وقتی بیلن کېچه آقشام‌ده باشله‌گنینی یازگن.
اېلچیخانه خبرنامسیده ایتیلیشیچه، امریکاده‌گی افغانستان اېلچیخانه‌سی خادملری بیلن بیرینچی اوچره‌شوویده خانم راز اۉز وظیفه‌لرینی اساسی روشده بجریشگه و کابل و واشنگتن اۉرته‌سیده‌گی یقین مناسبتلرده ایجابي رۉل اۉینشگه وعده بېرگن.
تخمیناً بیر آی آلدین خانم راز، رویا رحمانی اۉرنیگه افغانستان نینگ امریکاده‌گی اېلچیسی اېتیب تعیینلندی. او ایلگری افغانستان نینگ بیرلشگن ملتلر تشکیلاتیده‌گی دایمي وکیلی بۉلیب ایشله‌گن.
