عامه ساغليك وزيرليگي:اوتكن ٢٤ ساعتده ٨ كيشي كروناويروسي سبب جاني ني قولدن بيردي
عامه ساغليك وزيرليگي ني اعلان ايتيشيچه اوتكن بير كيچه كندوزده مملكت ده كروناويروسي ني يوقتيرگن١٦ ينگي واقعه رويخط ده آلينگن. بو ينگي واقعه لر بيلن بوويروس گه چلينگنلر ساني مملكت ده توپلم ٣٨ مينگ و ٧٠نفر گه كوپيدي.
عامه ساغليك وزيرليگي بوكون ( سه شنبه ٤ سنبله ) كروناويروسي كونده ليك رقملريني نشر ايتيش بيلن اوتكن ٢٤ ساعتده بو ويروس گه چلينگن ٨ بيمار اوزجاني ني قولدن بيرگني ني اعلان ايتي. بو بيلن حاضرگه قدر كروناويروسي سبب مملكت ده توپلم بير مينگ و ٣٩٧ كيشي عالم دن اوتكن.
عامه ساغليك وزيرليگي، اوتكن ٢٤ ساعتده كروناويروسي ني يوقتيرگن ٨٩ بيمار مملكت ده ساغلمگني ني اعلان ايتيب و ساغلگن بيمارلر توپلم رقمي ٢٨ مينگ و ٤٤٠ نفر گه يتكني ايتكن.
معلوماتلرگه كوره اوتكن ٢٤ ساعتده عامه ساغليك وزيرليگي تيكشيرو مركزلريده كروناويروسي نينگ ١٦٩شبهه لي واقعه لري تيكشيريلگن.