مجروح

عامه ساغليك وزيرليگي سرپرستي: كروناويروسي ني اوچينچي تولقوني مملكت شرقيده باشلنگن

neshananews

12 May 2021

عامه ساغليك وزيرليگي سرپرستي وحيدمجروح، كروناويروسي اوچينچي تولقوني مملكت شرقيده باشلگن و ييرليشي دن آگاهلنتيرگن.
اونگه كوره اگر اهالي ساغليك ني سقلش توصيه لريگه اعتنا قيلمسه لر بو تولقون تيزليك ده مملكت ني باشقه حدودلريني هم قمرب آله دي.
مجروح جنابلري بوكون (چهارشنبه ٢٢ثور) كابل ده بير خبري يغين ده، كروناويروسي نينگ مثبي واقعه لري ننگرهار ولايتي ده اوز اوجيگه يتكن و مملكت ني باشقه ولايتلريده هم ييرلماقده ديب اعلان ايتي.
مجروح جنابلري علاوه ايتي حاضرچه كروناويروسيتي يوقتيرگن كوپلب مثبي واقعه لر كابل و ننگرهار دن رويخط ده آلينماقده و بو ايككي ولايت وضعيت يمانلشيب بارماقده. دكترمجروح رمضان آيي سونگي كونلريده مردم نينگ ماركيت و بازارلرده توپلنگني مملكت ده كروناويروسي كوپيشيگه قيته زمينه يرتكني ني تاكيدلشكن.
عامه ساغليك وزيرليگي سرپرستي مملكت ده كروناويروسيني يوقتيريش ده شبهه لنگن كيشيلر نمونه لريني انيقلشتيريش و يوقتيرگن بيمارلرني دوالش ظرفيتي آشكن و مملكت ده ساغليك ني سقلش اداره لري بيركيچه كندوز ده ٢٦ مينگ شبهه لي نمونه ني تيكشيريب انيقلشده قادر بولگن ديدي.
او مملكت ده كروناويروسي واكسني تطبيق ايتيليشي دستوري دوام ايتيب باريشي گه توختليب مملكت جمعيتي دن اكثريتي شفاكارلر و مكتب اوقوتوچي لري بولگن قريب بيش يوزمينگ كيشي گه كروناويروسي واكسني تطبيق بولگن ديب ايتي.
دكتر محروح عيني دمده كروناويروسي مثبي واقعه لري مملكت ده تاباره ييرليشي آلديني آليش اوچون اهالي دن ساغليك ني سقلش توصيه لرنيرعايه ايتيشلريني طلب ايتي.
افغانستان ده كروناويروسي تاپيلگني دن حاضرگه قدر ٦٣ مينگ بو ويروس ني يوقتيرگن و ايككي مينگ و ٧٠٠ كيشي بو كسلليك طفيلي اوزجانلريني قولدن بيرگن. كروناويروسي نينگ ايلك مثبي واقعه سي ١٣٩٨ ييلي بيشينچي حوت كونيده هرات شهريده رويخط ده آليندي.